Ажәабжьқәа 03.06.2022 09:50 7393

Адунеизегьтәи аԥсуа-абаза конгресс АААК Аҭыԥантәи аҟәшақәеи аҿар рактивреи ҳәаақәызҵо аусзуҩ иҭыԥ ахь аконкурс мҩаԥнагоит.

Адунеизегьтәи аԥсуа-абаза конгресс АААК Аҭыԥантәи аҟәшақәеи аҿар рактивреи ҳәаақәызҵо имаҵураҭыԥ аанкыларазы аконкурс рыланаҳәоит.

Аконкурс аԥҟарақәа

Актәи аетап. Рашәара 3 ианркны рашәара 16 рҟныӡа аконкурс алахәхара згәы иҭоу ранкетақәа ҳадаҳкылоит. Урҭ 25 шықәса зхыҵхьоу Аԥсны атәылауаа ракәзароуп. Ихарҭәаау анкета хаҭала иаажәгар шәылшоит АААК аофисахь, асааҭ 9:00 инаркны 18:00 рҟынӡа, мамзаргьы абри аелектронтә  ԥошьҭахь иаашьҭызар ҟалоит info@abaza.org. 

АААК Аҭыԥантәи аҟәшақәеи аҿар рактивреи ҳәаақәызҵо имаҵурахьы акандидат ианкета:

Аҩбатәи аетап аҟны акандидатцәа хаҭала ирыҿцәажәоит. Аиҿцәаажәара мҩаԥыргоит АААК Аҟәатәи аофис аусзуҩцәа рыла ишьақәгылоу аконкурстә комиссиа алахәцәа.

Акандидат ипрофессионалтәи хаҭалатәи иҟазшьақәа рыхә ашьараан аконкурстә комиссиа зықәныҟәо аваканттә маҵураҭыԥ иақәшәо аквалификациатә ҭахрақәеи арегламент аҟны иарбоу егьырҭ аԥҟарақәеи ракәзаауеит. Аконкурстә комиссиа азин амоуп убасгьы аконкурс аҟны аиааира зымгаз, аха зыпрофессионалтәи зхаҭалатәи аҟазшьақәа ахәшьара ҳаракы зауз акандидат акадртә резерв иалаҵаразы абжьгара аҟаҵара.

Ахԥатәи аетап – АААК ИА ахантәаҩы Мусса Егзакь иҿцәажәра, онлаин.

Ахԥатәи аетап алҵшәақәа рыла иалкаахоит мызкы ҿҳәарас измоу, зыхә ахшәаау аԥышәараамҭа иахысуа ҩыџьа акандидатцәа. Абри аԥышәара амҭа анхыркәшахалак зынӡа ҳәа аусура ирго аӡәы далкаахоит.

Анкетақәа рыдкылареи хаҭалатәи аиҿцәажәарақәеи мҩаԥысуеит абри аҭыӡҭыԥ ала: Аԥсны, Аҟәа ақалақь, Лакоба имҩа, 109, Адунеизегьтәи аԥсуа-абаза конгресс аофис. Азҵаарақәа шәымазар, шәҳадҵаалар ҟалоит абри аҭел ала шәасны: +7 840 226-25-26.