КвтIол абзазагIвчва ркыт апны мини-футбол йъасуаш уыжвгIанчIви хъвмарырта рчпитI. Ауи араъа йауу асабикви чкIвыныргIи рымч йаланархIуштI, ауагIагьи аднакIылуаштI, спорт йаргванначIвуаштI.
Барганджиа Саид
КвтIол кыт атшауацIыхра йацхърагIауа а-Фонд йалакву акыт абзазагIвчва гIарцхърагIауамцара мини-футбол уъасуаш уыжвгIанчIви хъвмарырта ауыхвара алдыргитI.
КвтIол апны акыт атшауацIыхра йацхърагIауа а-Фонд сквшыкI айхIа цIуата араъа йауу КIакIалиа Демур йгIаджвыквцIарала йгIандыршатI. Ауи йыцыркIтI акыт абзазагIвчва Шенгелиа Автандил, Тапагуа Джон, Цулая Геннадий.
Цулая Геннадий КвтIол кыт апны йгIаныршу Адуней апсуа-абаза конгресс ашIыпIа хъвшарагьи даунашвачпагIвпI.
Ауи йшихIвазла, КвтIол апны футболасырта рчпарныс ауагIа щарда цIуата ргвы йтан, ауаса ахча ъарымамыз йгIалцIла ауыс атдрыпара атахъхалун.
«Акыт апны саби щардагIвыпI, йгьмачIгIвым футбол тшадызкIылуа йалагахьаз, йаъапI швапха ду зырхIахьаз, йапшым асквшква рагIан Апсны ачемпионат апны йхъвмаруаз аспортсменквагьи. Йара, йухIвушызтын, араъа футбол йанакIвызлакIгьи бзи йырбун, ауи йгIалцIла щарда цIуата футболасырта хвыц хIуыхварныс йаквхIкIхьан», – ауыс зкву гIахIгвынйыргIвитI Цулая Геннадий.
Ауи йгIахIайхIвтI хIызту асквш ахъа КвтIол кыт атшауацIыхра йацхърагIауа а-Фонд аунашвачпагIв КIакIалиа Демур Апсны апны йынхауа адуней адкIылараква рыуа закIы йбжьанацIаз агрант азабакIра дшалалыз.
«Афутболасырта хвыц ауыхвара йацыркIын сынчIва февраль агIан ахча хIзыгIарщтийтI, хIаргьи анхара джвыквхIцIатI», – йхIватI Цулая.
Ауи йшихIвазла, йгIарыртыз ахча (доллар зкьы 20 – аредакция ррытаразга) уыжвгIанчIви футболасырта ачпара йгьазымхъушызтI. Ауи ангIаргвынгIвы «дара абзазагIвчва ркъару аларцIарныс йайчважватI».
«Дасу йылшузла дацхърагIун. Азаджв – сом жванызкь, азаджв – сом зкьы 20 гIахIыртуан, йаъан уыхвага пкъыгIва хIызгIазгуазгьи. Ауат ауыхвагаквагьи алауцIарквын акыт абзазагIвчва злагIахIцхърагIаз сом зыкь 500-600 йнадзуштI», – йхIватI Цулая.
Ауи йгIацицIахтI, уахьчIвала ауыхвара надырдзара ахъазла сом зыкь 350 шатахъыркIву.
АААК ашIыпIа хъвшара аунашвачпагIв рахIагьи йхъа зладухауа анхараква райхIара дара акыт абзазагIвчва йъадырхъйаз акIвпI.
«Ахабар шыргIуз зынла йгIахIыцIагылтI: йрыцкьун, йпкъуан, йшвуан. ЙшгIацIцIызла, хIкытлагIвчва ари ауыс апны нхагIвытагьи спонсортагьи йалтI», – йгIацицIахтI ауи.
КвтIол кыт атшауацIыхра йацхърагIауа а-Фонд гIанзыршаз йрыуазаджву акыт аквтанай апхьарта физкультурала арыпхьагIв, акыт ачкIвынчва футбол йазызбжьауа Шенгелиа Автандил КвтIол апны футбол йанакIвызлакIгьи бзи йшырбуз аквирыбагъьатI. Ауи йшихIвазла, ацIайква рыуа щардагIвы ари аспорт квпшыра ръачIвагIахарныс ртахъыпI. АжвапIта, уахьчIвала КвтIол апны чкIвынчва жвыхвыгIв-жвыхвыгIв злу хгвыпкI аъапI.
«ЧкIвынчва хIщардагIвпI, асабиква, Анчва йбзирала, йгIадзынгылитI. Стадион, датшагьи ауи йапшу ауыхвараква акыт апны йгIаншарыквын араъа йтыцIта акъала йцахуа рыцIа ймачIыгIвхуштI. Йара акытгьи рыцIа мчыта тшауацIнахуаштI. Ауи швабыжта магIны амапI, са йшспхьадзауала, арат йрапшу ауыхвараква Апсны акытипхьадза апны йадгалра атахъыпI. Йара акIвпIта, араъа хкыткI йхIаргвандзапI: Джгерда, Тамыщ, Лабра. Ауат рбзазагIвчвагьи йгвыргъьачIвауа араъа йгIайлуштIта йхъвмарлуштI», – йгвгIанаграква хIыцагIвишатI абжьагIвы.
КвтIол кыт аунашвахъцIарта ахъада Кварацхелиа Вахтанг атопасырта ауыхвара акыт абзазагIвчва швабыж йшайгвыргъьаз гIаликIгIатI.
«ХIара культура тыдзгьи сабигIзартагьи гьхIымам. Афутболасырта хвыц ачпара хIзыргвыргъьауа гIаншара дупI. Аспорт чкIвынгьи дугьи аднакIылитI, араъа ахIбачвагьи шгIайлуш кьангьаш гьалам. Швабыж хIайгвыргъьитI, Анчва дырзыразхатI йгIахIцхърагIаз зымгIва», – йразыра гьцIайкIуам Кварацхелиа.
Акыт йауу Цвинариа Гиви йшипхьадзауала, аспорт хъвмарыртаква руыхвара чкIвыныргIа ргIзара-бжьара швабыж йахъвитI.
«ЧкIвыныргIа рыхъазла ари йыгьгьигвыргъьарапI йыгьгьиргвышхвагапI. Ауи ауат рбжьарагьи райшата йапщылапI, апхъахьыла руыс шцушгьи щатата йазалитI», – йхIватI ауи.
ЗакIгьи гIапырамсуазтын, ахчагьи рзынархъузтын афутболасырта хвыц ауыхвара сынчIва сентябрь аквтаквадза йалдыргуштI. Ауи гIарыдахIвуазтын акыт абзазагIвчвагьи ауат рысасчвагьи аспорт уыхвара агIахътIра йазынархазлуш гвыргъьахъв ду рызпшитI, рхIвитI ауыс агIаджвыквцIагIвчва.
Грант гIатыргазтынгьи, КвтIол абзазагIвчва дара-дара йаларпсазтынгьи уахьчIвала ауат рахча ауыхвара надырдзара ахъазла йгьнахъум. РахIа йанмачIу ужвыгьи сом зыкь 350 атахъыпI.
Ари ауыс йацхърагIарныс зтахъу ахчата йылшауа аъара арат ареквизитквала йщтий йауаштI>>
Стандартные платежные инструкции для международных расчетов в рублях РФ
КБ «КИБИТ-БАНК»
Республика Абхазия г. Сухум, Проспект Леона 9, тел. (+7840)229-41-82,
Тел./факс (+7840)229-41-83 e-mail: info@cibit-bank.com
Банк получателя: ПАО «ТРАНСКАПИТАЛБАНК» индекс: 109147 г. Москва,
ул. Воронцовская 27/35 ИНН 7709129705
БИК 044525388 корсчет 30101810800000000388
Получатель: КБ «КИБИТ-БАНК» (ООО) КПП 775087001 КИО 24670
Счет № 30111810400000000167
Назначение платежа: для зачисления на счет
№40703810500000000065
Благотворительный фонд «Содействие развитию села Кутол»
Республика Абхазия, г. Сухум
ИНН 12015277
КПП 611000226
ПО РЕСПУБЛИКЕ АБХАЗИЯ
Стандартные платежные инструкции КБ «КИБИТ-БАНК»
Республика Абхазия г.Сухум, Проспект Леона,9, тел. (+7840)229-41-82,
Тел./факс (+7840)229-41-83 e-mail: info@cibit-bank.com
КБ «КИБИТ-БАНК» ИНН 11000676
БИК 224100021 к/сч.30101810300000000021 в Банке Абхазии
Расчетный счет № 40703810500000000065
КЛИЕНТ Благотворительный фонд «Содействие развитию села Кутол»
ИНН 12015277
КПП 611000226
швталра йа тшаншвцIара атахъыпI.