Асабиква рхчара Адуней мшы агIан Адуней апсуа-абаза конгресс Согъвым апны йаднагалыз агвыргъьахъв ду сабита хышвыгIв райхIа гIанарайгватI.
Июнь а 1, асабиква рхчара Адуней мшы агIан Адуней апсуа-абаза конгресс Апсны арайонква зымгIва йгIартыцIыз саби хышвыгIв райхIа злаз гвыргъьахъв аднагалтI. Ауат йрылан Ареспублика саби реабилитация квта апны йзайъазаквауа, «Киараз» гвчIагIв адкIылари «Ашана» культура-гвчIагIвчпара фонди зхъпшылквауа.
Агвыргъьахъв асасчва йыззымпшуаз макъым согIата йырзалтI пычIвта араъа йырхIваз амакъымгIаныршагIв Гвынба Анри йалайцIаз, Очамчыра йауу ашвахIвагIв шIа Азизова Саида йылхIваз ашва шIыц «Имариам амҩа» («Ймайрам амгIва» – аредакция ррытаразга).
Асабиква йрызпшуан абжьарасахIат гIальаматкви амастер-класскви: аэкология, амгIва апны аныкъвара ацIасква, апсуара йгьи абзира, асуратчпара знархараз асахIатква.
Агвыргъьахъв йалаз асабиква асфальт ахъахь сурат рчпун, дартс йасуан, хвыдъа йырзыршаз морожена рфун, зчваквала йзигIваз ачырпIиквагьи согIата йрырттI. Анчва-абачвагьи асабиквагьи агвыргъьахъв адгалагIвчва йшырзыразу рархIвуан. Агвыргъьахъв адызгалыз АААК ауысхагIвчвагьи ауат ражва гвапаква йагъьу ртшхъвагата йырзалтI.
швталра йа тшаншвцIара атахъыпI.