«Ромео йгьи Джульетта» ргылчIв август а 21 атшын пычIвта йгIадырбатI Чанба Самсон йыхьыз зхъу Апсны адрама театр апны.
«Ромео йгьи Джульетта» ргылчIв август а 21 атшын пычIвта йгIадырбатI Чанба Самсон йыхьыз зхъу Апсны адрама театр апны.
Актерква апьеса апны апсыуа бызшвала йчважвауата йгIахъвмаритI. Аспектакль зыргылыз Россия Федерация апны гIатгара зму артист Кове Адгур йакIвпI.
Ауи йхIватI ари йапшта йбергьльу аклассика гIвыра аргылра йара алкIгIараква шаму. Ажва ахъазла, ауи апхъала йандыргылуаз йагIвырщтыз тшытмытквакI гIауауитIта апшгIвы йгватра ауатгьи йырзынауырхитI.
«ХIара зымгIвагьи йырдыруа асюжет йалахIцIарныс хIтахъхатI апьеса йалата ауи апхъала чва зхъарымбауата йагIвырщтыз зджьакIмакIгьи», – йхIватI арежиссер.
Ауаса Кове йшипхьадзауала аргылчIв рахIа шIыцрата йалу ауи зладыргылыз абызшва акIвпI.
«Ари адуней шабгу атеатрква ррепертуарква рпны рыцIа щарда узынйалауа пьесапI. [Ауи] зымгIвагьи йанакIвызлакIгьи йъакIвызлакIгьи йдыргылитI. Арахьарыла угIапшыхта, Апсны апны ауи йапхъахауата йхIыргылитI, йара ауыгьи – апсышвала», – йгIахIгвынйыргIвытI ауи.
АшIыцраква йрыуапI арежиссер йгIахъвыцраквакIгьи: ажва ахъазла, асцена апны йыншауа йаццауа ауыжвгIанчIви музыка.
Апроект йацхърагIакваз йрыуапI Адуней апсуа-абаза конгресс – ЙхIаракIу асовет аунашвачпагIв Эгьзакь Мусса апхъа дгылата, Москва апсуа диаспора рхъада, АААК ЙхIаракIу асовет йалу Агрба Беслан.
швталра йа тшаншвцIара атахъыпI.