АуагIа коронавирус згIва йачвыхчарала аоперштаб хабар шаргазла, йцIыхъвахауа ацIхи амши руацIа Апсны апны ужвыгьи быжьгIвы чмазагIвхатI.
Июль а 22 йгIашIарышвта Апсны апны коронавирус згIва гIаздысылыз 17-гIв йнадзатI. Ауи апш хабар аргатI ауагIа COVID-19 йачвыхчарала аоперштаб.
Аштаб йалакву йшырхIвауала, йцIыхъвахауа ацIхи амши руацIа ужвыгьи быжьгIвы чмазагIвхата йщаквдыргылтI. РыцIа пасата, июль а 24 атшын, аоперштаб хвгIвы шчмазагIвхаз ахабар аргатI, июль а 25 – хгIвы. Апсны апны азгIва йгIванхауата июль а 22 йгIашIарышвта йгIацIсытI, ауи атшын коронавирус гIаздыслыз шIыцта гIвыджь гIараутI.
ЗымгIва шалу Апсны апны коронавирус згIва гIаздыслыз 55-гIв йнадзитI. Азаджв дпсытI, 37-гIв бзихахтI, заджвы Швача дыргатI, 16-гIв айъазагIвчва рхьпшитI.
АчымазагIвква забабуз ауагIа гIардыррала анхара акIвшауаркIвитI. АуагIа коронавирус згIва йачвыхчарала аштаб ауысхагIвчва Апсны абзазагIвчва зымгIва йымчмазагIвхара ахIатырла амальта йрымула рхъа йазсакъырныс йаквгIазшIыртитI.
Апсны Республика абзазагIвчва COVID-19 коронавирус згIва йачвыхчарала а-Координация штаб ащаквыргылра ащатала асквш 2020 июль а 20 атшын Апсны Республика апрезидент Бжаниа Аслан Апсни России ркъральыгIва мажа анахъысра-гIахъысра ауысла йщаквгылу ашIакIраква асквш 2020 июль а 28-дза йдрауата Унашва гIайгтI
швталра йа тшаншвцIара атахъыпI.