АуагIа коронавирус згIва йачвыхчарала аоперштаб Апсны апны ужвыгьи жвипщыгIв COVID-19 гIарахвта, ауат рыуа азаджв Апсны тшпсщара йгIайыз дрыуата хабар аргатI.
Август а 8 агIарбараквала Апсны апны коронавирус эхьуа шIыцта жвипщыгIв гIараутI, ауат Апсны тшпсщара йгIайыз йрыуата йапхъахауата йчмазагIвхаз заджв дрылапI. Ауи йайъазарныс Россия дыргахтI. Ауи апш хабар аргатI ауагIа коронавирус згIва йачвыхчарала аоперштаб.
Аштаб ауысхагIвчва йшырхIвазла, йагIвсыз ацIхи амши руацIа коронавирус рыхьуи йрымхьуи ауысла 149-джь дырхъвыхтI. АзгIва зхьуа ауагIа йрыднагалкваз ужвыгьи йдырхъвыхыркIвитI.
"Ужвы ари асахIат Гвдауыта Аквта район чымазагIвтара апны коронавирус шрыхьуа щаквдыргылхьата 42-гIв щтIапI", – хабар аргитI аоперштаб.
COVID-19 зхьуата Ааоспиталь йыцIаз пхIвыскI рыцIа дагъьхан дгiацIырщтхтI, ауи азгIва лылахымкIва щаквдыргылтI , ужвы дбзихандзкIьа рпны тшлыркIьыдата даъазлуштI, гIанахIвитI аоперштаб ахабар зну агIвыра.
Пандемия гIаджвыквлищтара Апсны апны зымгIва шалакIу 134-гIвы коронавирус рыхьуата йщаквдыргылтI, ауат йрыуата 38-гIв бзихахтI, хгIвы псытI.
Апсни России ркъральыгIва мажа август а 1 йхъыртIытI. Йапхъахуз апщымшкI руацIа Россия йауата турист зкьы 100-гIв райхIа Апсны йгIайтI.
КIавкIаз апны COVID-19 тшшауацIнахуа гIазырбауа астатистика тшахаргIваза йауаштI абари азцагала>>
швталра йа тшаншвцIара атахъыпI.