Август а 7 агIарбараквала Апсны апны коронавирус згIва шIыцта цгIвы йгIарахвтI. Ауи апш хабар аргатI ауагIа коронавирус згIва йачвыхчарала аоперштаб.

Аштаб ауысхагIвчва йшырхIвазла, йагIвсыз ацIхи амши руацIа коронавирус рыхьуи йрымхьуи ауысла 82-джь дырхъвыхтI. COVID-19 цгIвы рпны йгIараутI.

Ужвы ари асахIат Гвдауыта Аквта район чымазагIвтара апны коронавирус шрыхьуа щаквдыргылхьата 40-гIв щтIапI. Пандемия гIаджвыквлищтара Апсны апны зымгIва шалакIу 120-гIвы коронавирус рыхьуата йщаквдыргылтI, ауат йрыуата 37-гIв бзихахтI, хгIвы псытI.

Апсни России ркъральыгIва мажа август а 1 йхъыртIытI. Йапхъахуз апщымшкI руацIа Россия йауата турист зкьы 100-гIв райхIа Апсны йгIайтI.

КIавкIаз апны COVID-19 тшшауацIнахуа гIазырбауа астатистика тшахаргIваза йауаштI абари азцагала>>