Адуней апсуа-абаза конгресс

7 Февраль 2025
02:03
ХIвидеотшыбжьагаква гIашврысабапуамцара апсуа гIахIвыщаква швхъа йазыгIахъшвтI. Зуыс бзита йыздыруа ахореографква Бебиа Амини Ходжава Даниили агIахIвра апIатIауща хъадаква швдырбуштI, шваргьи швпны швшыгIвнумцара ауат швызрыцчпуштI.
Адуней апсуа-абаза конгресси репатриацияла АкъральыгIва комитети «Аԥсуа кәашара» ахьызта проект шIыц джвыквырцIитI – апсуа уагIахъа гIахIвыщала авидеотшыбжьагаква.
Абар швгIахIвуа швалагарныс йгIашвыхъвуш бжьагажваквакI:
  • 1
    Швжьышвква ацIшвымхвара ахIатырла атшыбжьара апхъала мачIкI тшалашвыршла.
  • 2
    Швтазымщахуш чгIвыча швшвышвцIа, щхъва змам амгIа тIатIа ахъашвцIа.
  • 3
    Амакъым шваздзыргIвы – ауи заъара бзита йшвылашвхIвауа йаццауата тшацшвчпуштI.
  • 4
    Йахъуымрыпауата йучпалауа гIауыдахIвитI. Атшыбжьараква йара заманкI рзалшвх, швмахъа-щахъаква тшыззыжвбжьауа дара-дара йырчпауа йцандзыкIьа швашIамсын.
«Аԥсуаҵас» айтыпаща.

АнапIквала хIгIалагапI. Ауат хIыжвгIвахъаквадза йгIахъагIгылитI. ХIнапIква адзакIьаквала йнархапI. Амачвхъаба анапIсаргвыцIа ауацIала йаъапI. Аквтамачв агIарбагамачви амачвхьзыди рацкIыс цIахьыта йхIымапI, амачвкIьыс – мачIкI рыцIа йхIагIата. АнапIсаргвыцIаква хъахьыла йацахIырпитI. Агъьма напIы хIпахьла йыгIгитI. АнапIсаргвыцIа гIацахIырпитIта анапIы щтахьла йыгIгитI. ХIыпкъ анапIква йрыквшвауата йынхитI.
ХIщапIква апхъапхъа йцбахауа позиция йгылапI. ЙхIагIачвам йквтанайу щачвпынцIабжа, хIщамхъаква льальапI – агъьма щапIыла хIалагитI. «И» анырхIвауа агъьма щапIы атшхцIа мачIкI йгIадхIхитIта йгIащтIыхIхитI. «ЗакIы и» анырхIвауа агъьма атарала арма йацкIьантIауадза йгIаджвыквлитI. «Быжьба» йгьи «агIба»-дза йпхьадзандзыкIьа хIацапитI.
Ари айтыпаща «аԥсуаҵас» йаквпшыракIпI.
Ауи «цIахьы» йа «ахI» айтыпаща-хIва йапхьитI. Агъьма напIыла хIгIалагапI. Ари йалкIгIару ащапIквагьи анапIквагьи ацпIатIаура ъатахъу акIвпI.
Апкъгьи ацхIцIитI, ауи анапIква йрыцынхитI.
«Аԥсуаҵас» йалкIгIару ащапIквагьи анапIквагьи ацпIатIаура ъатахъу акIвпI.
АщапIква хIрызцитI. «И» анырхIвауа агъьма щапIы райшата апхъала йугитI. УацIыхъван ащамхъа апны тшарыхъвитIта «закIы» анырхIвауа мачIкI уацхъапалуазшва йхъугIвахитI. Ауи амщтахь хIщапIы хIыргылитIта арма щапIыла йара ауи хIчпауа хIалагитI. ХIанацапауа йхIагIачвамкIва щачвпынцIабжа хIгылата хын хIщапIква азакI азакI йахъыгIгитI.
МагIны зму! ШвщапIы аншврыпIатIауа швыщачвква ргъвгъвазара, швызкв райшазара атахъыпI.

Тацанадылра айтыпаща.

АщапIква апхъапхъа йцбахауа позиция йгылапI. МачIкI бжачIвата. «И» анырхIвауа агъьма щапIы апхъала йгIахъхIтIитI. «ЗакIы» анырхIвауа йъаныз йгIагIгхитIта арма щапIы хIаквгылитI. ХIнапIква амъашIахIвара йыквпI, амачвква ацыпI, амачхъвынцIаква пахьла йгапI. Айтыпара хIаналагауа анапIква йшаъу йгIанхитI, уацIыхъван тшырпсахныс ауаштI.
Щхъвала айтыпара.

ЙбжачIвата, йызквхIауа ащапIы ацIыхъвадза йдмыррайшауата йырчпитI. ХIнапIква амъашIахIвара апны йхIкIитI. «ЗакIы» анырхIвауа агъьма щапIы пахьла йыгIгитIта щхъвала йхIыргылитI. «ГIвба» анырхIвауа йара ауи щачвла йхIыргылитI. Ащамхъа хъара йгьыгIгум. Ауи амщтахь агъьма щапIы йъаныз йыгIгахитIта арма щапIы пахьла йхIрауитI. МачIкI хIацхъапалитI. Апсуа хорография апны ари айтыпара йапшым аквпшыраква аъапI.
Апсуа хореография апны щхъвала айтыпащаква йапшымкIва йаъапI. ХIапшыпI ауат рыуа закIы. АщапIква апхъапхъа йцбахауа позиция йгылапI. Агъьма щапIыла хIгIалагитI, диагональла хIынхитI. «ЗакIы» анырхIвара агъьма щапIы ащхъва пахьла йыгIгитI. «ГIвба» анырхIвауа ауи щачвла йхIыргылитI. «Хпа» анырхIвауа хIагIата щачвпынцIабжала хIгылитIта анахьаныла тшацахIырпитI. «Пщба» анырхIвауа хIщапIы йцбахауа позиция йхIыргылхитI. Йара ауи арма щапIылагьи йхIчпитI.
Щхъвала айтыпара.

ЙбжачIвата, йызквхIауа ащапIы ацIыхъвадза йдмыррайшауата йырчпитI. ХIнапIква амъашIахIвара апны йхIкIитI. «ЗакIы» анырхIвауа агъьма щапIы пахьла йыгIгитIта щхъвала йхIыргылитI. «ГIвба» анырхIвауа йара ауи щачвла йхIыргылитI. Ащамхъа хъара йгьыгIгум. Ауи амщтахь агъьма щапIы йъаныз йыгIгахитIта арма щапIы пахьла йхIрауитI. МачIкI хIацхъапалитI. Апсуа хорография апны ари айтыпара йапшым аквпшыраква аъапI.

«Аԥсуаҵас».

ХIнапIква хIыжвгIвахъаквадза йхъагIгылитIта йгIвбахауа позиция йхIкIитI. АнапIсаргвыцIаква ршIашIапI, анапIыщтахь хъахьыла йпшитI. Пхьадзарипхьадза йаццауата хIнапIква амачхъвынцIаква рпны тшдрыхъвауамца хIгвтшпы апны тшхъыргIвитI. Агъьма напIы пахьла йаныгIгауа арма напIы хIыщтахьла йхIкIитI. АнапIква анхIрыхъвауа хIыпкъ йгьадхIырпIцIылуам.
Апроект йадынхалтI:
  • Бебиа Амина

  • Ходжава Даниил

  • Квициниа Есма

  • Берзениа Валерий

  • Базба Селма

  • Жьыба Дмитрий

  • Бгъанба Щазина

  • Квициниа Баграт
Адуней апсуа-абаза конгресс
Репатриацияла АкъральыгIва комитет
Йшвмырхъйас проект швымазтын йа йчпа йауашта швхъа джьащахъваракI тазтын - шважва хIазпшитI.
Ателефон: +7 840 226 25 26
info@abaza.org
Made on
Tilda