Асабиква шIыцракI ддырдыруата штшпсырщуш йазынарху «Аимадара» проект архъйауата Адуней апсуа-абаза конгресс КвтIол кыт апхьарти Афон ШIыц Арыпхьарта квта «Абипари» рапхьагIвчва гIамдара мшы рзаднагалтI.
Асабиква Мгвыдзырхва кыт йаъу аэтнопарк, Афон ШIыц ахIатшпы йцатI, Анакъвапиа абагъьатагьи йхъалтI. Анакъвапиа абагъьата атурых джьащахъва амдара йалаз зымгIва йралхIвтI Афон ШIыц апны йгIаныршу АААК ашIыпIа хъвшара йалу, «Абипара» Арыпхьарта квта аунашвачпагIв Чычба Лия.
КвтIол апхьарти «Абипара» Арыпхьарта квти рквтанай классква йрапхьагIвчвата амдара 30-гIв райхIа алан.

05.06.2023 12:54

Очамчыра, Апсны Республика

АААК Джьгьарда кыт апны асабиква рыхъазла ларпшра аднагалтI.

Асабиква рхчара а-Дуней мшы йазынархата Джьгьарда кыт апны асабиква гвыргъьахъв ларпшра рзаднагалтI Адуней апсуа-абаза конгресс. АцIайква зыркьахвуаз апрограмма йалан аниматорквагьи ашIахъаква дзыла сурат рнызцIаквауагьи. Агвыргъьахъв аналгуз асасчва хвыцква зымгIва согIата ахъагIараква рыларшатI.

04.06.2023 18:56

СогIвым, Апсны Республика

АААК Арайон шIыц апны саби гвыргъьахъв аднагалтI.

Асабиква рхчара Адуней мшы агIан Адуней апсуа-абаза конгресс СогIвым къала Арайон шIыц апны гвыргъьахъв алалра аднагалтI. Асабиква фитнеси гIахIври рстудия "Mansarda fit art", аниматорква, дзыла асуратгIвгIвчва злаз йкьахвыз аларпша рзадыргалтI. Ауи аналга ахвыцква зымгIва согIа хъагIа рызпшуан.
Аконгресс ари агвыргъьахъв адгалра йацхърагIаз "Kids Republic" ткван зчIву Тарба Денис, Апсны АуагIа Райззара - Апарламент адепутатква Садзба Инари Голандзиа Вахтанги аразыра ажваква рзынанархитI.

04.06.2023 18:47

Гвдауыта, Апсны Республика

АААК апроект «Ирӡтәым» йапхъахуз ахъвы Лыхны кыт йаъу атурых йалу атшшара апны йакIвшаз алекцияла йалгатI

Гвдауыта район ажвахапхьартакI рпны апхьагIвчва 400-гIв рыхъазла йгIазпхьаз жвалекциякIла йалаз АААКи АГУ адоцент Джугелиа Инни йацдырхъйауа апроект «Ирӡтәым» (абазала – «ЙрыдзчIвым, йурыдз йамуаш») йапхъахуз ахъвы йалгатI. Гвдауыта район апхьартаква рапхьагIвчва 60-гIв рыхъазла йадыргалыз йцIыхъвахуз алекция атурых йалу Лыхнашта тшшара апны йакIвшатI. Алекция акIвдыршатI АААК ЙхIаракIу асовет йалу аэтнолог Барцыц Марини атурыхдырыгIв Гваджьба Руслани. https://abaza.org/abq/1037

02.06.2023 13:45

Гвдауыта, Апсны Республика

АААК ашIыпIа хъвшара гIахъыртIытI Хыпста кыт апны.

Адуней апсуа-абаза конгресс ашIыпIа хъвшара гIахъыртIытI Гвдауыта район йаланакIуа Хыпста кыт апны. Ауи 57-хауата йалтI. АшIыпIа хъвшара даунашвахъцIагIвхатI АгIвдза Лери. Датшагьи ауи йалалтI Еник Амиранда, Гыцба Инал, Аргвын Омар йгьи Чвышба Инар.