Адуней
апсуа-абаза
конгресс

АшIыпIа хъвшараква рыцынхарала Адуней апсуа-абаза конгресс ахъвшара апхьагIвчва ар йазрыхIазыррала апроект шакIвшаз йалачважватI.

Адуней апсуа-абаза конгресс псабарахчарала апроект дырхъйауата Пицунда-Мюссера заповедник апны кьашвай шIа 260 ларцIатI.

Амца, айха йгьи сквшышвпхьадзара зхъыцІуа ацІасква – СогІвым абагъьата апны гІвымшкІ руацІа ажьийра афестиваль акІвшатІ. Асасчва атшыбжьараква йцарныс, алекцияква йрыздзыргІвныс, абджьарква ргІарбартагьи йапшырныс рылшатІ. ЙалкІгІата зымгІвагьи йрымаджьащахъвахатІ асуратчпагІв ДжьапІуа Батал йчпаз йпасу асквшышвквтаква рыгІамта ахрихыцхысыгІв дшаъаз гІазырбауа асурат.  «Йбзу азъазара» агІатра шІыц апны хІара афестиваль хІцата абджьар шгІаншауа – аджьахІва йапхъахауа аудын угІалагата йцІыхъвахауадза – гІахІырбуштІ.

Адуней апсуа-абаза конгресс «Гәыкала» проект – йапшым анархараквали аъачIвагIаквали йынхауа агIвычIвгIвыс джьащахъваква ргIачважвараква – акIвнаршауаркIвитI. Йызкьазуу агIатра апны дсасыпI АбИГИ адиректор, АААК ЙхIаракIу асвоет йалу Ашуба Арда.

Анкъвакъвраква ххъвыкIта йакIвшуштI йгьи Апсны акытквакI гIарыларкIуаштI.

Апроект ари пщынхауата академ ашвахIвагIвчва, гIатгара зму артистква, амузыка апхьартаква рсолистква, аколледжкви йхIаракIу апхьартакви рстудентква аднакIылтI.