Амультимедиа
Амца, айха йгьи сквшышвпхьадзара зхъыцІуа ацІасква – СогІвым абагъьата апны гІвымшкІ руацІа ажьийра афестиваль акІвшатІ. Асасчва атшыбжьараква йцарныс, алекцияква йрыздзыргІвныс, абджьарква ргІарбартагьи йапшырныс рылшатІ. ЙалкІгІата зымгІвагьи йрымаджьащахъвахатІ асуратчпагІв ДжьапІуа Батал йчпаз йпасу асквшышвквтаква рыгІамта ахрихыцхысыгІв дшаъаз гІазырбауа асурат. «Йбзу азъазара» агІатра шІыц апны хІара афестиваль хІцата абджьар шгІаншауа – аджьахІва йапхъахауа аудын угІалагата йцІыхъвахауадза – гІахІырбуштІ.
ЩхархIара Апсны апны апхъанчIви заман йгIашIарышвта тшауацIыхра аман, ауи йгIалырхуаз апкъыгIваквагьи ауагIа рмлыквнкъвгара апынгьи ргвбайара бзазара апынгьи щардазджьара йгIадрысабапуан. «Йбзу ауыс» агIацIщтра шIыц апны хIара Лыхны кыт йаъу бжьакъвакI хIцата ацха агIархарджьра амадзаква гIахIхIырдыруаштI, арат Анчва йгIаныршара джьащахъву ащхаква тамамта ушырхьпшуашгьи тшазыгIбжьуштI.
Адуней апсуа-абаза конгресс «Гәыкала» проект – йапшым анархараквала йынхауа агIвычIвгIвыс джьащахъваква ргIачважвараква – акIвнаршитI. Апсны АгIвымакъраль уысквала а-Министерства апны йгвапхауа йынхарта, кино йазйыму абзибара йгьи Адуней апсуа-абаза конгресси йари рацынхара дгIарыквчважвитI адипломат, хIсайт агIвыраква ангьльыз бызшвала йатазкIуа Гагулиа Артур. Айчважвара мартI а 19 агIан йанхIцIатI.
ХIара «Гәыкала» проект – йапшым анархараквала йынхауа агIвычIвгIвыс джьащахъваква ргIачважвараква рахъыхра – акIвхIыршауаркIвитI.
Адуней апсуа-абаза конгресс «Гәыкала» проект – йапшым анархараквала йынхауа агIвычIвгIвыс джьащахъваква ргIачважвараква рахъыхра – акIвнаршауаркIвитI. Автор кино алкIгIараква, дыззымпшдзауата йхъа йгIаташвалауа ахъвыцраква йгьи АААК апроектква дшрыдынхалуа гIахIайхIвтI арежиссер Логуа Дауыт.