Айчважвараква
Адуней апсуа-абаза конгресс агIвычIвгIвыс джьащахъваква ъагIадырчважвауа апроект «Гәыкала» архъйитI. Ауат ауагIи хIари йацыхIчпауа апроекткви айгвара багъьи хIадыркIылитI. УахьчIва йадыгIгалыз ахъвы апны дсасыпI бокс Адуней федерация IBA аверсияла килограмм 67-дза зчакьуа абоксерква рквтала адуней ачемпион Агрба Харитон. Апсны апны йгаз йсабихъа, йъачIвагIа шгIалихыз, спорти атгIачви шизадкIылуа, йабашталагIвчва шгIайцхърагIауа датшагьи щарда гIайхIвитI зынгьи йгIаламхас абоксер.
«Гәыкала» проект йызкьазууыз дасасхатІ ажурналист, афилология наукаква рдоктор, Апсны акъральыгІва университет апрофессор Бебиа Екатерина. Ауи бзи йылбауа лъачІвагІала йапхъахуз ачІвырхъаква лчпауа даналага йгІашІарышвта «Апсны апны гІатгара зму ажурналист» чІахІра хьзы дазынадзандзкІьа дшынхаз, хкъралькІ рпны йщтІу запш аъам архив, айсра агІамта агІаншара джьащахъваква йгьи АААК апны йгІаныршу АпхІвысква рсовет анхара йырзынарху агІагвалашвахракви ахабаркви шврыздзыргІвы йадыгІгалыз айчважвара апны.
ХIара дхIысасын азгIвадара гIащаквзыргылхуа физкультурала аъачIвагIагIв, ареабилитолог Агрба Арзадин. Ауи азгIвадари амахъа-щахъаква нкъвцара асабапри, Апсны апны рыцIа йщарду ачмазагIвракви диспансеризацияла апроект дшалази дшгIарыквчважвауа швапшы «Гәыкала» йызкьазуу анатра апны.
ХIара «Гәыкала» ахьызта проект шIыц аухIщтитI – агIвычIвгIвыс джьащахъваква райчважвараква. Ауат ауагIи хIари йацыхIчпауа апроекткви анбжьагIвыгIари хIадыркIылитI. ХIара дхIысасын апхьахьа-бызшвадырыгIв, адипломат, аполитика уыснкъвгагIв, АААК ЙхIаракIу асовет йалу Чрыгба Вячеслав. Анауки адипломатии, апсуа бызшва агIащаквыжьра, адуней шабгу гIамидауамца дзынйаз агIвычIвгIвыс джьащахъваква, ауагIахъа радкIылра апны АААК уыста йархъйауа, датшагьи щарда алапI «Гәыкала» йапхъахауа анатра.
Асквш 2022 агIан Апсны ауагIа рартистка, Россия апны гIатгара зму артистка Гыцба Алиса ашвахIвагIвчва шIаква гIаура йгьи йнарыскIьара йазынарху макъымршIыйара анкъвакъвра дагIаджвыквцIагIвхатI йгьи даунашвахъцIагIвхатI. ЙащтагIайуаз асквш ауацIа анкъвакъвра тшауацIнахын гIвкъралькI рыкъала хъадаква – СогIвыми Москви – гIацIанакIтI. УахьчIва аопера ашвахIвагIви ауи лгвыпи джьгарта аконцертква адыргалитI. Анкъвакъвра амщтахь лбзазара шцази ршIыйарала лмурадкви Алиса АААК хабарргарала ахъвшара йырзыгIахъылтIтI.
«Зны Апсны апны» сериал шхIазырхаз, афыр хъада йара дызлайапшу, патриархат ацIасквала йбзазауа адунейи глобализации рапшIахра ауысквала хIара актер, арежиссер, АААК йалу Таниа Теймураз хIйачважватI.
Апсны ауагIа р-Абашта айсра зтахъырала йалаз айсчва – ачIвыйа ауат адызкIылуаз, АйгIайра апны ауат ралацIара шпаъу, айсра ауат рылахьква шпапсах? АйгIайра асквш 30 йадахIвуата хIара «Агвы азшIытрала» ахьызта натра хIрыхIазыртI, ауаъа АйгIайра гIазраргваныз, абзира йащтаз ауагIа хIгIарыквчважвитI.
Йбергьльу апсуа апхьахьа, Адуней апсуа-абаза конгресс ЙхIаракIу асовет йалу, апрофессор Чирикба Вячеслав йнига шIыц «Апсны йгьи Италия акъала-къральыгIваква XIII-XV асквшышвква рагIан. Азазаъащаква йгIарыквчважвауа абзагIвраква» аунашва АААК ахабарргарта портал йгIарайхIвтI.
Апсуа бызшва агIахчара зпщылу абаргвыраква, АААК амурадкви ахачIвкви, а-Конгресс анхара аъазара шатахъу ауысквала йгвгIанаграква гIайхIватI Апсны агIвымакъраль уысквала йаминистрыз, АААК ЙхIаракIу асовет йалу, афилология наукаква рдоктор, апрофессор Чирикба Вячеслав.