Адуней
апсуа-абаза
конгресс

«Апсуара» ъадаб-намыс хабзаква гIащаквыжьра йгьи ауагIа йрылагара – апхьартаква рпны ауи йарыпхьарагьи алата – йырзынарху айкьангьашра-айчважвараква рабаркIыра джвыквылцIатI АААК йаланакIуа апхIвысква р-Координация совет аунашвахъцIагIв Бебиа Екатерина. Йапхъахуз анйара йалан Очамчыра къали Очамчыра райони рапхьартаква рарыпхьагIвчви рунашвачпагIвчви. Анйарипхьадза йалазлуштI ахIбачва, апхьахьаква, аршIыйагIвчва, ауаъа архивква йгIарылху авидеоква гIадырбалуштI. Апроект йапхъахауа ахъвы апкъ йтата айчважвараква Очамчыра, Гвдауыта, Ткъварчал районква рпны йадыргалуаштI. https://abaza.org/abq/1036

https://abaza.org/abq/1035

АшIыпIа хъвшараква рыцынхарала Адуней апсуа-абаза конгресс ахъвшара «Аимадара» проект апкъ йтата Аацы йаау апхьагIвчва 40-гIв амдара рзаднагалтI. Асабиква йапхъахауата Уатап кыт йаъу АбраскIьыл йхIатшпи Моква акьльиси ддырбатI.
Амдара культура нархара змаз ахъвы аналга хъвмарра нархара нанауахвтI. АгIамдараква рымщтахь ацIайква спортла йанкъвакъвтI, ауагIахъа хъвмарщаквалагьи йхъвмартI.
«Аимадара» проект АААК асквш 2019 агIан йджвыквнацIатI. Ауи акытква рпны йбзазауа чкIвыныргIа Апсны ашIыпIа джьащахъваква дырбара нархарата йамапI. ЙащтагIайуа амдара июнь а 3 йаквдырпшитI. Ауи Арасадзыхь йгьи КвтIол кытква рсабиква йырзадыргалуаштI.

Адуней апсуа-абаза конгресс Гвдауыта район йаланакIуа Джьырхва кыт аквтанай апхьарта апны диспансеризация акIвнаршатI. Ауи йгIаланадыркIтI Бгарджван аквтанай апхьарта апхьагIвчвагьи. ЗымгIва шалаз 70-гIвы райхIа йырпшытI. Ари АААК йаднагалта йъацаз йбыжьбахауа кытпI.

ЙанакIвызлакIгьи апшта анхара гIвхъвыкIта йшан. Апхъапхъа апхьагIвчва ща рылырхын йдырхъвыхтI. УацIыхъван ауат агIарбараква рымата ацIайква йапшым айъазагIвчва йгIаркIылстI.

Ауат йырпшытI акардиолог Качарава Ирма, аотоларинголог Халбад Рица, аневролог Конджариа Саида, аофтальмолог Сангулиа Фатима,  апедиатрква Уатырба Ангелини Рогова Натальи, аэндокринолог Джьыкьырба ХIамида йгьи Апсны ареабилитологква радкIылара йалу Агрба Арзадин. Асабиква ЭКГ рхъырхтI. Йанырпшы амщтахь аъачIвагIагIвчва чIыдата йырхъвыхра атахъыта йырбаз зымгIва ауи йызлагIакIылсуаш швъа рырттI.

Адиспансеризация акIвыршара йалан СогIвым амедицина колледж апхьагIвчва Хашба Сария, Джанелидзе Алиса, Атулян Диана, Тулумджян Рузанна, Яйлян Анастасия йгьи Пархоменко Дарья. Ауат айъазагIвчва архъвыхра агIарбараква ашвъаква йырнырцIарныс йырцхърагIун.

КIавкIаз айсра йаладзкваз рхъмаштылра мшы агIан Адуней апсуа-абаза конгресс анхагIвчва СогIвым апны  КIавкIаз айсра йаладзкваз рчвахъабага син хIврапшдза азыщтIарцIатI, апсуаква рджьабара цIасква рпны йазалху магIны ззырбауа ачвамза Ащамакъагьи адыркIытI. Ауи апш чвамза чпара цIаста йщаквгылхьатI, АААК анхагIвчва ауи дара рнапIыла йырчпитIта ари пщысквшахауата АмхIаджьырква Рдзатшпурам апны йадыркIитI.  

Йалан АААК анхагIвчва "НартргIа рымца" аркIрагьи.  Адуней апсуа-абаза  конгресс апны йацыхIчIву хIтурых йалаз арыцхIагIараква йрыладзыз ауагIа гьырхъаштылуам, йгIадзынгылуа абанпараква рыхъазла Апсуара шгIархчуш йгьи штшауацIнадрыхуаш йазгылапI.

Адуней апсуа-абаза конгресс йцынхауата Апсны акытква рпны апхьагIвчви арыпхьагIвчви рдиспансеризация акIвнаршатI.

Ари азын ауи ауыс Ачандара йгьи Абгархыгв кытква рквтанай апхьартаква рпны йадыргалтI. 
Адиспансеризация гIвхъвыкIта йшан. Апхъапхъа ауи йгIакIылсквуз ща рылырхын йдырхъвыхтI. УацIыхъван архъвыхра агIарбараква рымата знархараквала йапшым айъазагIвчва гIарпшытI. Ауат йрылан «Апсны ареабилитологква радкIылара» йалу Агрба Арзадин, акардиолог Фет-оглы Ирина, ЭКГ зчпауа амедахща Бороловец Райя, аэндокринолог Кубрава Юлия, апедиатрква Уатырба Ангелини Рогова Наталии, аневролог Конджариа Саида, аотоларинголог Какулиа Хатуна, аофтальмолог Абаза Фатен.

АйъазагIвчва йырцхърагIун а-Конгресс анхагIвчва. Ауат диспансеризация йгIайкваз ршвъаква таргIвуан, чIыдата датша рхъвыхра йгIакIылсра атахъыз ауаъа йызларщтиуаш швъа рыртуан. ЗымгIва шалу адиспансеризация уагIата 130-гIв гIаланакIтI.

АААК ауагIахъа хъвмарщаквала йызкьазууыз атшыбжьара акIвнаршатI. Ари азын ауи Эшба Ефрем йыхьыз зхъу СогIвым 5-хауа апхьарта апны йадыргалтI. Ауи йырцун чкIвыныргIи физкультури тшауацIдрыхрала АААК ахъвшара аунашвахъцIагIв Берзениа Валерий. Ауи апсуа уагIахъа хъвмарщаква «Аимцакьачара» (апсуа топасща – аредакция ррытаразга) йгьи «Ахылпахас» (апсуа бызшвала – «хъылпагIакIра» – аредакция ррытаразга) дгIарыквчважватI, ауи амщтахь ацIайква ауат ахъвмарщаквала йхъвмартI. АпхьагIвчва йырхъазымкIва амастер-класс йалан Апсны акъральыгIва университет физкультурала ахъвшара астудентквагьи: АмкIваб Алекс, Бутба Кеон, Махров Станислав. Ауат апхьагIвчва анхъвмаруаз йрылалуан, асудьягьи йцхърагIун.

АшIыпIа хъвшараква рыцынхарала АААК ахъвшара аунашвахъцIагIв Жьыба Дмитрий

«ЧкIвыныргIа рквта ауагIахъа азазаъащаква. Апсни России рквта бзирахара мгIвайсри жвлара ацынхари тшауацIдрыхра» зхьзыз ауатыкв айчважвара далан.

Анйара Апсни России акъральгIв жвлара институтква рацынхара тшауацIнарыхра йазынадырхатI. АхачIв хъадаква йрыуазакIын СогIвыми Швачи рпны йынхауа хъахIарагIагра знархарам аорганизацияква рацынхара адгалра.

Айчважвара ЧкIвыныргIи спорти руысла АкъральыгIва комитет йаднагалтI, ауи йацхърагIатI Апсны ашIара радкIылара «Апеипш».
 

АуагIахъа хъвмарщаквала йызкьазууыз атшыбжьара акIвшатI ЛакIоба Нестор йыхьыз нкъвызгауа СогIвым 10-хауа ащхъа апхьарта апны. ЧкIвыныргIи физкультури тшауацIдрыхрала АААК ахъвшара аунашвахъцIагIв Берзениа Валерий анйара ахъа апсуа уагIахъа хъвмарщаква «Аимцакьачара» (апсуа топасща – аредакция ррытаразга) йгьи «Ахылпахас» (апсуа бызшвала – «хъылпагIакIра» – аредакция ррытаразга) дрыквчважватI. Ахъвмарщаква рхабзаква ангIаргвынгIвы апхьагIвчва зынла ахъвмарраква гIаларган – йырдырыз ауаъа рыцIагьи бзита йдрыбагъьахтI.