А-Конгресс йалалуа шнарахвуа
1. А-Конгресс йалазларныс йауитI апсуа-абаза (абаза) йгьи убых уагIахъа йрыуу – йъабзазалакIгьи, гIвыма къраль йакъральгIвызтынгьи – Апсны Республика ахабзала збальыгъ йнадзаз, а-Конгресс а-Устав йгIанахIвауа йадгылуа, а-Конгресс анхара йалазларныс, ауи а-Устав йану ахачIвква зырхъйарныс зтахъу, сквшыкI апны сом 100 йа 2 долларкI йнадзауа ашвачIвква йхъзымрыпауата йызтийуа (асквш 2018 июнь а 29 агIан Адуней апсуа-абаза конгресс ЙхIаракIу асовет йнанауахвыз ащаквыргылра)
2. А-Конгресс йалазларныс зтахъу 1-хауа апункт йгIанахIвауа йаквыргIапсызтын рахIвара швъала йнарахвитI.
3. А-Конгресс йалалырныс зтахъу рахIвара швъа апны ртдзахьыз, рыхьыз, раба йыхьыз, аткъвым апхъала йынкъвыргуз атдзахьыз (ауи апш аъазтын), йангIадри, йъабзазауа, йъауу акъральыгIва, йызуу ауагIахъа анырцIара атахъыпI.
4. А-Конгресс алалра ауысла ахIвара швъа аратква рпны йаут йауитI:
- а-Конгресс ЙхIаракIу асовет,
- а-Конгресс ашта йа ашIыпIа хъвшара а-Совет,
- акъральыгIва йа администрация-шта гIаныршара апны йазалху хъвдаквцIара зму а-Конгресс ауысхагIв – уацIыхъван ауи ахIвара швъа а-Конгресс ЙхIаракIу асовет йырнапIыцIайыршвахуата,
- а-Конгресс ахабарргарта порталла (www.abaza.org). А-Конгресс йалалырныс зтахъу ауаъа йту ахIвара швъа аджыпха гIатихта, йтайгIвуаш тайгIвыта, мачвы ацIайцIата, скан ахъихта info.abk@abaza.org электрон адресла а-Конгресс йщти йауаштI.
- АхIвара швъипхьадза ашта хъвшара а-Совет апны йалапшитIта йахIвауа а-Конгресс днахвра ауысла щаквыргылра гIаргитI.
- А-Конгресс йнарахвыз дзачIвызлакIгьи ажвлара адкIылара дшнарахвыз зну сальамшвъа йзырщтийитI.
5. А-Конгресс йалу дзачIвызлакIгьи зджыпха лыху аквшахIатга швъа рсурат аныта йрыртитI. Асурат info.abk@abaza.org электрон адресла а-Конгресс йазыщтийра атахъыпI. Асурат аъазара шатахъу www.abaza.org хабарргарта портал апны йтапI.
Асурат аъазара шатахъу
1. Асурат апроцент 80 ацкIыс ймачIымкIва ауи йгIанарбауа йхъа йакIра атахъыпI.
2. Асурат ъахъырхуа лашаразара атахъыпI, йызхъырхуа йыщтахьла лашарартакI дыдгылазара атахъыпI.
3. Сурат зхъырхуа хъылпа/кIасы рхъазла йгьауам. Йгьауам ауат рлакта, рыхъвда, рчгIвыча рпны хабзала йрыбагъьам адамыгъаква (асимволика) рнызларныс (арыпшдзагаква ракIвмызтын). Сурат зхъырхуа зылаква йрымбауа сакъатмызтын ларбагIвыга лащцара рхъазла йгьауам.
4. Асурат хъырхищтара 12 мызкI айхIа цIра гьатахъым.
5. Асуратхъыхга амзаркIы аларбагIвыгаква рчIвыцаква йгIарткIкIгIа йгьауам.
6. Асурат йану рылаква къапщыра гIарткIкIгIа йгьауам.
7. Асурат 5 мегабайткI айхIа ачакь йгьауам.
8. Асурат электрон амальла йчпата info.abk@abaza.org электрон адресла а-Конгресс йазыщтий йауаштI.