Адуней апсуа-абаза конгресси Апсны акъральыгIва университет апсуа бызшвала акафедра адоцент Джугелиа Инни йацыта йдырхъйауа апроект «Ирӡтәым» йапхъахуз ахъвы шакIвшаз йаквчважватI.
Гвдауыта район ажвахапхьартакI рпны апхьагIвчва 400-гIв рыхъазла йгIазпхьаз жвалекциякIла йалаз АААКи АГУ адоцент Джугелиа Инни йацдырхъйауа апроект «Ирӡтәым» (абазала – «ЙрыдзчIвым, йурыдз йамуаш») йапхъахуз ахъвы йалгатI. Гвдауыта район апхьартаква рапхьагIвчва 60-гIв рыхъазла йадыргалыз йцIыхъвахуз алекция атурых йалу Лыхнашта тшшара апны йакIвшатI. Алекция акIвдыршатI АААК ЙхIаракIу асовет йалу аэтнолог Барцыц Марини атурыхдырыгIв Гваджьба Руслани.
Апроект ацIайква «Апсуара» ахабзаква шрыларкIуаш, руагIахъа рцIасква бзи йшырбуш йазынархапI. Апроект йапхъахуз ахъвы 10 лекциякIла йалан. Ауат ззынархаз «Апсуа пшцIа: ацIаскви ахабзакви», «Апсуаква ръадаб-намыс, рдунейпшыща гIазырбауа Апсуара йапщылу ауысква», «АцIасква йрыцгIайуа ашвакви ауат ъархIвауи», «Апсуаква рыжвлара дипломатия», «Апсуа уагIахъа гIахIвыща атурых», «ТшрыгIврала апсуаква рцIасква», «ХХ асквшышв ацIыхъва – ХХI асквшышв ахъа рагIан Апсны атурых» темаква ракIвын.
Апроект рхъвыхрата асквш 2023 мартI агIан йджвыкврыжьтI. Ауи архъйара йгIаланадыркIтI апсуа турыхдырыгIвчва, абызшвадырыгIвчва, аэтнографква, аэтнологква.
«Ирӡтәым» проект гIалазгаз Джугелиа Инна йшылхIвауала, «хIара йхIчIву ацIасква хIзыгIащаквыргылхуазтын акIвпI ари ласыта тшыхпсахуа адуней апны хIхъа анхIзыхчуш».
«Ласыта тшызпсахуа уыжвгIанчIви дуней апны ууагIахъара узыхчара ахIатырла уцIаскви ухабзакви гIащаквуыргылхра атахъыпI. ХIара апсыуата хIызчпауа хIрыдзныс хIгьахвитым: зымгIва йрапхъата – хIъадаби хIнамыси йрыщату «Апсуара», йбайу хIкультури хIтурыхи. Ауат зымгIва апщылапI. АзакI хIрыдзызтын ауахьауатгьи хIчвыдзуаштI», – лхIватI ауи.
Апроект джвыквырцIара апхъала ауи бзита тшаздрыхIазыртI, йызквчважвуш, йгIадырчважвуш, апхьартаква йшырхъаршуш агвындыргIвытI.
«ХIкультура, хIцIасква, хIхабзаква швара арыпхьагIвчва йгIашвархIвлитI, швпны йыжвгIитI. Ауаса зынцIра хIуагIахъа ртурых ардырра йазтыз апрофессорква йырхIвауата ауи угIарныс апхьагIвчва зымгIва рыхъаз магIын ду амапI», – лхIватI Джугелиа.
А-Конгресс ахьыла апроект дахъпшылуан чкIвыныргIи физкультури тшауацIдрыхрала АААК ахъвшара аъачIвагIагIв Квициниа Есма. Ауи йгIардахIвызи йащтагIайуата йырчпуш ауыскви дгIарыквчважватI.
«Лекциипхьадза чкIвыныргIа швабыж йрымагIальаматта йаздзыргIвуан. Ауат ракIвыршаща йтархъата йгьаъамызтIта – дзачIвызлакIгьи хвитта айчважвара дзалалуан, дамакIы йауан. ХIара разыра ажва щарда гIахIархIвитI, Апсны антахьгьыт арайонкви акыткви рпынгьи лекция акIвхIыршарныс йгIахIыхIвитI. АуагIа ауи апш азыгIальаматра анрыму хIаргьи апроект хIапхъагьи йатаджвыквхIцIахныс хIазнаргвышхвитI», – лхIватI ауи.
«Ирӡтәым» – Адуней апсуа-абаза конгресси АГУ апсуа бызшвала акафедра адоцент Джугелиа Инни йацыта йдырхъйауа проектпI. Ауи апсуаква ръадаб-намыс хабзаква «Апсуара» ауагIа йрылагара, Абаза уагIа рцIаскви рхабзакви гIащаквыргылхра йырзынархапI.
швталра йа тшаншвцIара атахъыпI.