Барганджиа Саид

ЙагIвсыз амчыбыжь ауацIа Апсны апны коронавирус рыхьуата ужвыгьи 503-гIвы гIараутI, азгIва рыхьуи йрымхьуи гIаддырдыруата архъвыхра 1572-гIвы гIакIылстI. Ауи апш хабар аргатI АуагIа коронавирус згIва йачвыхчарала аоперштаб.

Аштаб ауысхагIвчва йшырхIвазла, ужвы ари асахIат Гвдауыта Аквта район чымазагIвтара апны 67-гIв щтIапI, ауат йрыуата 56-джвы коронавирус рыхьуата йщаквдыргылхьатI, 11-гIв коронавирус згIва гIаркIыта ргвы рзыбжапI. 25-гIв хIатлапI, 29-гIвы ауи апшта йгьхIатладзам. Амчыбыжь ауацIа ачымазагIвтара 14-джвы гIацIырщтхтI. 

Аоперштаб хабар шаргауала, Согъвым йтагылу "Айтар" пансионат ахакв апны йандыргIалыз нархара щардала йынхауа йатдрыпауа агоспиталь апны коронавирус згIва рыхьуата йщаквдыргылхьата 45-гIв щтIапI. АпщыгIв хIатлапI, 45-гIвы ауи апшта йгьхIатладзам.

"Пандемия гIаджвыквлищтара Апсны апны коронавирус зхьуата йщаквдыргылыз зымгIва шалу 5883-гIвы йнадзитI. Ауат йрыуата 3678-гIвы бзихахтI, 81-джвы псытI", – хабар аргитI аоперштаб.

АуагIа коронавирус згIва йачвыхчарала аоперштаб ауысхагIвчва ауагIа азгIва тшачвыхчарала амальта йаъу шнарахвуаш йаквгIазшIыртитI.

Апсны апны COVID-19 ауыс уазцгIата аъачIвагIагIвчва рбжьагажва уаздзыргIвы йызлауаш йанакIвызлакIгьи йынхауа ателефон номерква аъапI.

Согъвым абзазагIвчви асасчви 995–02–07 йгьи 935–30–71 номерквала телефон йас йауаштI, Очамчыра – 925–10–09, Ткъварчал – 925–10–03, Гала – 925–10–07, Гагра – 925–10–05, Гвдауыта – 925–10–02, Агвдзера – 925–10–04 номерквала.

Щарда йнамихуата Согъвым апны йазакIу аномер 0303 уас йауата йырчпуштI, йазакIу аномер ареспублика шабгу апны йынхауата йырчпарнысгьи йащтапI.