Апсуа видеограф, «ALAN studio» гIанзыршаз КIвакIваскьыр Валерий Апсны ащхъаква хъихыркIвитI, йаргьи Пыв щхъахъысырта гIазырбауа суратгIвыракI адигалтI.
Апсны ащхъа хIвыртаква рпны щапIылагIамдартата йаъу ашIыпIаква йрыуазакIу Пыв щхъахъысырта атенгьыз йгIаквухырквын гIвкилометркI хIагIарата йамапI. Ауаъа уаныквгылу КIавкIаз ащхъаквагьи ПсхIвы кыт апсыхIвагьи пшдзадзата йгIаубитI.
Пыв щхъахъысырта араъа йбзазауагьи атуристквагьи бзи йырбауа шIыпIапI. Ауаъа амгIва баргвквала йызныкъвауа машинала узыцитI: йутахъызтын – уара-уара, йутахъызтын – экскурсия йцауа урылата. Ащхъахъысырта адуней ашвыгаква зымгIва азнакIкIыта ухIва ауаштI.
КIвакIваскьыр Валерий йшихIвауала Апсны ащхъаква кино рхъихныс щарда цIуата йгвы йтан.
"Ауат ажвала йузымхIвауата йпшдзапI. Саргьи йанакIвызлакIгьи сгвы йтан ауи апшдзара ахъысхта Апсны километр зкьышвпхьадзарала йачвыхъару ауагIа запшуата йсчпарныс. Ауи анхара сара сыхъазгьи шIыцрапIта уыжвгIандзара тшыззызымбжьасыз закIы тшалазызбжьитI", – йхIватI ауи.
«ALAN studio» апщвыма ужвы Апсны ащхъа хIагIара шIыцква дырзыпшгIитI. Ауи уыжвласыла йсуратгIвыра шIыц адуней йдйырбушта хIйыргвыгъитI.
швталра йа тшаншвцIара атахъыпI.