Барганджиа Саид

ЙагIвсыз амчыбыжь ауацIа Апсны апны коронавирус рыхьуата ужвыгьи 306-гIвы гIараутI, азгIва рыхьуи йрымхьуи гIаддырдыруата архъвыхра 2164-гIвы гIакIылстI. Ауи апш хабар аргатI АуагIа коронавирус згIва йачвыхчарала аоперштаб.

Аштаб ауысхагIвчва йшырхIвазла, ужвы ари асахIат Гвдауыта Аквта район чымазагIвтара апны 74-гIв щтIапI, ауат йрыуата 59-гIв коронавирус рыхьуата йщаквдыргылхьатI. 17-гIв хIатлапI, 25-гIв ауи апшта йгьхIатладзам. Согъвым йтагылу ашIашIкIгIара згIваква зхьуа йъарайъазауа ачымазагIвтара апны COVID-19 шрыхьуа щаквдыргылхьата 27-гIв щтIапI, Очамчыра район аквта чымазагIвтара апны – цгIвы, Ткъварчал апны – жвгIвы, Гагра апны – 23-гIв, йатдрыпауа айсра чымазагIвтара апны – 23-гIв.

«Пандемия гIаджвыквлищтара Апсны апны коронавирус зхьуата йщаквдыргылыз зымгIва шалу 12106-гIвы йнадзитI. Ауат йрыуата 11765-гIвы бзихахтI, 193-гIв псытI», – хабар аргитI аоперштаб.

АуагIа коронавирус згIва йачвыхчарала аоперштаб ауысхагIвчва ауагIа азгIва тшачвыхчарала амальта йаъу шнарахвуаш йаквгIазшIыртитI.

Апсны апны COVID-19 ауыс уазцгIата аъачIвагIагIвчва рбжьагажва уаздзыргIвы йызлауаш йанакIвызлакIгьи йынхауа ателефон номерква аъапI.

Согъвым абзазагIвчви асасчви 995–02–07 йгьи 935–30–71 номерквала телефон йас йауаштI, Очамчыра – 925–10–09, Ткъварчал – 925–10–03, Гала – 925–10–07, Гагра – 925–10–05, Гвдауыта – 925–10–02, Агвдзера – 925–10–04 номерквала.