Адуней апсуа-абаза конгресс ахъа гIаджвыквызцIаз агIвычIвгIвыс Шамба Тарас дангIадри амш йадахIвуата АААК ахабарргарта портал ауи йгIайыквчважвауа абзагIвра адыргалтI.

Капба Арифа

Апсуа йгьи Россия ажвлара-политика уысхагIв Шамба Тарас Адуней апсуа-абаза конгрессгьи Москва апсуа диаспорагьи гIанзыршаз дрыуазаджвыпI, ауи абаза уагIахъа радкIылрагьи къару ду алайцIатI.

Ауи асквш 1938 июль а 29 атшын Апсны апны гIатгара зму аюрист, зынзаман прокурорта, хIаквымхагIвта йынхаз, Апсны ЙхIаракIу ахIаквымхарта йаунашвачпагIвыз йгьи Апсны адвокатква рколлегия йапрезидентыз Шамба Мирон йтгIачва рпны дйытI. Йхъапщыла Эшба Лидии йари йгIадзындыргылтI рыгIвпачва - Тараси Сергейи, рпхIа - Этери.

ДаншIаз дхъызхуаз анархараква

Тарас Согъвым апны дйытI, ауаса йаба йынхарта ашвхIаусыгIвала щардала дайтыпара атахъхун, йтгIачвагьи йыцайтыпун. ЙцIыхъвахауата ауат йырбзазартахаз Согъвым акIвпI, ауи асхъан Тарас апхьарта рыцIа йахIбаз аклассква рпны дапхьун.

Тарас Мирон йпа йаща Шамба Сергей (апсуа политика йгьи къральыгIва уысхагIв, Апсны аэкс-премьер-министр йгьи Апсны агIвымакъраль уысква рэкс-министр – аредакция ррытаразга) араса йхIвитI: «Ужвы Согъвым асасырта «Леон» ъагылу амгIва уахъыста хIбзазун, хIпны йанакIвызлакIгьи Тарас йыгIвзачва щардагIвыта йгIайззалун. ЙыздырхитI, ауи азаман йкъытыз магнитофон йапхъахауата йшхIхвгIаз. ХIмагнитофон анахьанат йгьрапшмызтI: пластинкагьи уаздзыргIвы йауан, ауи гIаквхта абобинаква (магнит лента зкIвыршаз «ачархква» - аредакция ррытаразга) азакIы ахъахь йгIвбахауа таргыл йауан, ауат хъата-мата йнархата йхъынхIвуан. Ауи йахьзын «Эльфа».

ШамбаргIа ртгIачва зтаз атдзы Басла дзыгIв атшпбырг йгылан. Абар йара Тарас Мирон йпа Бебиа Екатерина лтелебара атра «АйачIваква йрызцауа амгIва лашара. Шамба Тарас» апны йшIара ауи агIамта шгIайгвалашвахуа: «Араъа акIьанджьаква ргIадгылырта бзикI аъан. Ауаъа агIгIвыла йа жвыгIвыгIвла удзца йзлауаш акIьанджьаква гIахIахвуанта амшын хIхъылуан, хIанкъвакъвуан. ХIтдзы йачвыхъарамкIва аспорт тыдзгьи гылан, ауаъа йапшым аспорт квпшыраква тшрыдхIкIылуан. Сара спортла быжьразрядкI сымапI, зынгьи сгьамайчуазтI: зны агIвадала сыгIвуан, зынгьи амшын ахьыла сцунта сдзцун».

Заща йыхъаз йшвапха пшдзаз

Тарас Сергей жвахсквшала дйахIбан, ауи ахIатырла ауат йацхъвмаруата йгьаъамызтI, ауаса ащахIба Сергей йыхъазла зымгIвалагьи дшвапха бзийын.

«Тараси йыгIвзачви ауралагьи закI гIархъвыцуан, ргьагьара апны закI гIаншалун. Сара ауат Апсны апны зымгIва йрагъьу чкIвынчватата йспхьадзун, зымгIвалагьи сыршIпшырныс, срапшхарныс стахъын, – йгIаликIгIитI Шамба Сергей. – Сандуха йари сари аполитика уысква хIрылачважвауа хIалагатI. Ауипхьадза саргьи гвышхвара гIасылалуанта апсуаква ъайззуз афилармония ахьыла стрысуан (ауагIахъа-гIархвитхра мгIвайсра ркъарула апсуа уагIахъа рхвитнагIаква йрызгылырныс ахъазла йадыргалуаз айззаракви акциякви ракIвпI зунашва йхIвауа – аредакция ррытаразга). Ауищтара ауагIахъа-гIархвитхра мгIвайсра йапщылаз ахъвыцраква, захвара зламкIва хIуагIахъа зынйуз агIаншараква сгьагIадмырбузтI. Сшхъвыцуала, сащахIба сишIыбжьауата акIвпI атурыхдырра факультет сшыцIалыз».

Йара Шамба Тарас Согъвым йжвабахауа ащхъа апхьарта дгIалган йгвыбзыгъари йакъыль ацIолари гIайырбауата Москва акъральыгIва университет аюрист факультет дыцIалтI. Москва апны йапхъахауата ауи дстудентыркIвата апсуа хаквлагIвчва радкIылара гIанйыршатI. Тамамта йухIвушызтын, ауи апсуа чкIвынргIа йырквтан, ауаъа йайззуз щардагIвы йащтагIайуаз асквшква рпны апсуа уагIахъа рхвитнагIаква рхчара джьгарта йазгылтI.

Шамба Тарас йхIаракIдзу ажвлара ртшхъвага – аорден «Россия апха» – гIайыртитI. Шамба Тарас, Трапезников Георгий – Адуней ауагIахъаква ргвбайара адкIылра знархару адуней академия апрезидент, Приходько Валентин – афонд «Россия апха» агенерал директор
Шамба Тарас йхIаракIдзу ажвлара ртшхъвага – аорден «Россия апха» – гIайыртитI. Шамба Тарас, Трапезников Георгий – Адуней ауагIахъаква ргвбайара адкIылра знархару адуней академия апрезидент, Приходько Валентин – афонд «Россия апха» агенерал директор
© Непрошин Александр йкнига «АуагIа р-Президент йзынархата…» йгIалхпI
Шамба Тарас йгьи Адлер шIыпIа аджьгьатква (асадзква) рыжвла йауу, Иордания апсуа жвлара йрылу ахI Гечба Баха Сейфеддин, Амман, асквш 1994
Шамба Тарас йгьи Адлер шIыпIа аджьгьатква (асадзква) рыжвла йауу, Иордания апсуа жвлара йрылу ахI Гечба Баха Сейфеддин, Амман, асквш 1994
© Непрошин Александр йкнига «АуагIа р-Президент йзынархата…» йгIалхпI
Чачхалиа Дениси Шамба Тараси Иордания афырра гIван йзквнадыргаз агенерал АхIмад Аллаудин Арслан (армала ахъа йгылу) йпны сасра йаъата, апшвыма йсурат зну акъадаба адзхъа. Асквш 1994
Чачхалиа Дениси Шамба Тараси Иордания афырра гIван йзквнадыргаз агенерал АхIмад Аллаудин Арслан (армала ахъа йгылу) йпны сасра йаъата, апшвыма йсурат зну акъадаба адзхъа. Асквш 1994
© Непрошин Александр йкнига «АуагIа р-Президент йзынархата…» йгIалхпI
Шамба Тараси Абаза Виктори абашталагIвчви ранйара, Египет
Шамба Тараси Абаза Виктори абашталагIвчви ранйара, Египет
© Непрошин Александр йкнига «АуагIа р-Президент йзынархата…» йгIалхпI
КIьыкIвара змам ауагIахъаква р-АдкIылара алачIвара. Асурат апны армала йгIашIарышвта агъьмала: Абаза Виктор, Шамба Тарас, Охвта Александр, Уырчыкъва Мурадин, Таллин, Эстония
КIьыкIвара змам ауагIахъаква р-АдкIылара алачIвара. Асурат апны армала йгIашIарышвта агъьмала: Абаза Виктор, Шамба Тарас, Охвта Александр, Уырчыкъва Мурадин, Таллин, Эстония
© Непрошин Александр йкнига «АуагIа р-Президент йзынархата…» йгIалхпI

Астудент сквшкви ахаквлагIвчва радкIылари

Йапхъахуз анйараква Горький йыхьыз зхъу а-Литература институт апны акIвын йъакIвшуз. Ауи асхъан ауаъа йапхьуз щардагIвы апсуа гIвгIвы бергьыльхатI.

Абар ателебара атра апны йара Тарас Мирон йпа ауи шгIайгвалашвахуа: «Ауаъа йапхьун Гогуа Алёша (уадыргIвана дапсуа гIвгIвы бергьыльхатI – аредакция ррытаразга), Анкваб Володя (уадыргIвана дфилолог бергьыльхатI, дарыпхьагIвхатI – аредакция ррытаразга), аинститут ацбзазарта апны мызкIы апны зны тшазхIкIкIуа хIалагатI. Аректорат йырдыруан апсуаква хIшайззалауа. Нархарата ауралагьи йхIымаз ари акIвын: Москва йгIайуаз гIвгIвыкI йгIвыра гIахIахвуан, сасра дгIахIрайгвун, агIвыра гIазквчважвауа йгIаквхта Апсны атурых, акультура, хIыбызшва рунашва ауатыкв йгIатахIцIун, хIжурнал, хIгазет гIацIхIщтра, хIтелебара хIымазара шатахъу хIхIвун».

Апсуа хаквлагIвчва ранйара, армала йгIашIарышвта агъьмала: Шамба Тарас, Бутба Руфет, Ахуба Джума, Ласуриа Мущни, Москва, асквш 1964
Апсуа хаквлагIвчва ранйара, армала йгIашIарышвта агъьмала: Шамба Тарас, Бутба Руфет, Ахуба Джума, Ласуриа Мущни, Москва, асквш 1964
© Непрошин Александр йкнига «АуагIа р-Президент йзынархата…» йгIалхпI
Апсуа хаквлагIвчва ранйара, армала йгIашIарышвта агъьмала: Курмазиа Нона, Искандер Фазиль, Шамба Тарас, Агрба Золотинск, Москва, асквш 1977, мартI
Апсуа хаквлагIвчва ранйара, армала йгIашIарышвта агъьмала: Курмазиа Нона, Искандер Фазиль, Шамба Тарас, Агрба Золотинск, Москва, асквш 1977, мартI
© Непрошин Александр йкнига «АуагIа р-Президент йзынархата…» йгIалхпI
Апсуа хаквлагIвчва ранйара, армала йгIашIарышвта агъьмала: Лолуа Леонид, Шамба Тарас, Москва, асквш 1977, мартI
Апсуа хаквлагIвчва ранйара, армала йгIашIарышвта агъьмала: Лолуа Леонид, Шамба Тарас, Москва, асквш 1977, мартI
© Непрошин Александр йкнига «АуагIа р-Президент йзынархата…» йгIалхпI
Апсуа хаквлагIвчва ранйара. Шамба Тарас асас, РФ а-КъральыгIва дума адепутат Шандыбин Василий согIата йыйтитI «Апсуа уысара антология», Москва, асквш 2002 мартI а 4
Апсуа хаквлагIвчва ранйара. Шамба Тарас асас, РФ а-КъральыгIва дума адепутат Шандыбин Василий согIата йыйтитI «Апсуа уысара антология», Москва, асквш 2002 мартI а 4
© Непрошин Александр йкнига «АуагIа р-Президент йзынархата…» йгIалхпI
Апсуа хаквлагIвчва ранйара, аквтала Шамба Тарас йгьи Гулиа Георгий
Апсуа хаквлагIвчва ранйара, аквтала Шамба Тарас йгьи Гулиа Георгий
© Непрошин Александр йкнига «АуагIа р-Президент йзынархата…» йгIалхпI
Шамба Тарас шIа щтIихитI Апсны апны совет власть ащаквгылра Амш знархару ахъвлапын апны, йагъьмала дгылапI Трапезников Георгий, асквш 1977 мартI а 4
Шамба Тарас шIа щтIихитI Апсны апны совет власть ащаквгылра Амш знархару ахъвлапын апны, йагъьмала дгылапI Трапезников Георгий, асквш 1977 мартI а 4
© Непрошин Александр йкнига «АуагIа р-Президент йзынархата…» йгIалхпI

Ауи адкIылара акIвпI йгIадзынзыргылыз Шамба Тарас Мирон йпа сквшкъомкI унашва зхъицIуз Москва апсуа диаспора ду, щарда мцIуата ари ахъвдаквцIара апны ауи дипсахтI Агрба Беслан.

«Сара хъатачIв мгIва сымапI»

Асквш 1973 агIан Шамба Тарас КПСС а-ЦК йаланакIуа ажвлара наукаква р-Академия аспирантура дыцIалтI. «ДангIалга Апсны дгIацапахра атахъын, – йгIайгвалашвахитI йаща, – ауаса академия аректор дызшIитын йайхIвтI: Апсны апны уара бзигвыгъакIгьи гьуызпшуам, ауаъа апсуа националистта акIвпI акырт политиканкъвгагIвчва ушырпхьадзауа, араъа угIанха. Ауи амщтахь академия апны дынхарныс дирайгватI».

Ауи айчважвара анакIвшуз Тарас йхIапчыпква адигалхьан, йани йаби дшцахуаш кьангьаш азгIарымгуата йызпшуан. Йан йшылпхьадзуз араса акIвын: дпахьпсагIвхарыгьи Апсны дацапахта ауаъа дбзазара атахъын. Ауаса апа йанакIвызлакIгьи йара йатахъыта йшипхьадзуз апшта йчпун данцIейыз йгIашIарышвта.

Зны, ажва ахъазла, йжвабахауа ащхъа апхьарта дыцIаркIвата май а 1 атшын йакIвшуз апарад асквш 1937 агIан льажьадъа йыркIыз апсуа апхъагылагIв ЛакIоба Нестор йсурат йнапIыцIата дцатI. Ауи азаман ЛакIоба дгIадырзахваххьан, ауаса йсурат уымата апарад уцазтын мразыра гIанырщтуан. Акласс апны хвы ззырбуз ачкIвын апхьарта апны йыгIвзачвагьи йыцыркIтI. Ауаса йаба ласдза йдырдыртI йпа «апарад мгIвайсра» алайырпIатIарныс дшащтаз. Шамба Мирон датшагьи партия уысхагIвкI дйыцта рпны дгIайхын йпа йхъашвхIахвитра ахъазла дйайсныс йтахъын, ауаса ачкIвын щаквкIыта, багъьата йхIватI: «Уара уымгIва уымгIвапI, сара сымгIва сымгIвапI, йауашызтын, угIаспырамсын».

Абараса ауи йара йшипхьадзуз апшта Москва дгIатахатI, академия апны арыпхьагIвта далаган акъральыгIва уыхвари ахвитри ркафедра апрофессор йъанатIа дазынадзатI, акандидат диссертация «АкъральыгIва алаща аргIапсща апны ахабзахчара нхартаква ргыларта» йхчатI. УадыргIвана, асквш 1995 агIан, ауи доктор диссертациягьи йхчатI ари апш темала: «Асоциалист жвлара рпны адемократия йгьи ахабзаргIапсща раъаща».

Апхьахьа, аюрист наукакаква рдоктор Шамба Тарас дрылапI ажвлара академияква агIба йнадзауата. Асквш 2002 йгIашIарышвта асквш 2008-дза ауи Россия акъральыгIва хвгIахвтра-экономика университет апны йапхъахауа апроректор йъанатIа нкъвигатI. Шамба йнаука нхара йгIацIанакIитI акъральыгIва, адемократия йгьи ахабзаргIапсща знархару атеории апрактики. Арат атемаквала ауи наука гIвыра щарда гIацIищттI.

Асурат апны армала йгIашIарышвта агъьмала: РГТЭУ йапхъахауа апроректор Шамба Тарас, РГТЭУ аректор Бабурин Сергей, Россия йхIаракIу аюрист апхьартаква рассоциация архъйагIв директор Липунов Валерий
Асурат апны армала йгIашIарышвта агъьмала: РГТЭУ йапхъахауа апроректор Шамба Тарас, РГТЭУ аректор Бабурин Сергей, Россия йхIаракIу аюрист апхьартаква рассоциация архъйагIв директор Липунов Валерий
© Непрошин Александр йкнига «АуагIа р-Президент йзынархата…» йгIалхпI
Шамба Тараси Бабурин Сергейи, асквш 2003
Шамба Тараси Бабурин Сергейи, асквш 2003
© Непрошин Александр йкнига «АуагIа р-Президент йзынархата…» йгIалхпI
Шамба Тарас РГТЭУ апхьахьаква рсовет алачIвара акIвшауата
Шамба Тарас РГТЭУ апхьахьаква рсовет алачIвара акIвшауата
© Непрошин Александр йкнига «АуагIа р-Президент йзынархата…» йгIалхпI
Шамба Тарас адиплом «РГТЭУ пIатIу зкву апрофессор» йыйттI Россия Апхьадзарта палата аунашвачпагIв, аюрист наукаква рдоктор, апрофессор Степашин Сергей
Шамба Тарас адиплом «РГТЭУ пIатIу зкву апрофессор» йыйттI Россия Апхьадзарта палата аунашвачпагIв, аюрист наукаква рдоктор, апрофессор Степашин Сергей
© Непрошин Александр йкнига «АуагIа р-Президент йзынархата…» йгIалхпI
Россия акъральыгIва дума апны агIвычIвгIвыс йхвитнагIаква знархараз анйара амщтахь, Шамба Тарас адепутат Илюхин Виктор дйыцта
Россия акъральыгIва дума апны агIвычIвгIвыс йхвитнагIаква знархараз анйара амщтахь, Шамба Тарас адепутат Илюхин Виктор дйыцта
© Непрошин Александр йкнига «АуагIа р-Президент йзынархата…» йгIалхпI

Шамба Тарас даавторпI анаука нхара цIоладза «Апсны. АкъральыгIвара йгьи зымгIвалагьи хъахвитра амазлара щайдзата йрыму». Ауи джьгарта далан Апсны Республика ауыжвгIанчIви Конституция алыхра. Тарас Мирон йпа дрынкъвгагIвыпI ачIахIра хьызква: Россия апны гIатгара зму аюрист йгьи Россия апны пIатIу зкву адвокат.

А-Конгресс ахъада йхъвдаквцIараква рырхъйара

Шамба Тарас данчкIвыныз йгIашIарышвта йбзазара зымгIва нархарата йамаз апсуа жвлара рапхъагылагIвчва рхъвыцща акIвын – ауагIа рхъахвитра йгьи ркъраль уыс рхъатала йырзыбахра. Тарас Мирон йпа адгалра йгьи адипломат уысква рпны йылшара дуква абгата йгIайырбатI Апсны апны айсра гIалагата зынгьи йапшымкIва агIвымакъральква ртланыкъвала цхърагIара йаназыбжаха агIамта.

Асквшква 1992-1993 рагIан Абашта айсра анакIвшуз Адуней апсуа-абаза уагIахъа рассоциация гIандыршатI (МАААН, ужвы Адуней апсуа-абаза конгресс – аредакция ррытаразга).

МАААН IV а-Конресс аделегатква, Согъвым, асквш 2003, сентябрь
МАААН IV а-Конресс аделегатква, Согъвым, асквш 2003, сентябрь
© Непрошин Александр йкнига «АуагIа р-Президент йзынархата…» йгIалхпI
МАААН IV а-Конресс аделегатква армала йгIашIарышвта агъьмала: Аламиа Геннадий, Шамба Тарас, Ашуба Нугзар, Непрошин Александр
МАААН IV а-Конресс аделегатква армала йгIашIарышвта агъьмала: Аламиа Геннадий, Шамба Тарас, Ашуба Нугзар, Непрошин Александр
© Непрошин Александр йкнига «АуагIа р-Президент йзынархата…» йгIалхпI
Армала йгIашIарышвта агъьмала: Германия рыхьызла МАААН архъйагIв комитет йалу Рухи Ертаз (Эшба), Трыквшта апны Апсны ркIьыкIва АгIвдза Владимир, МАААН апрезидент Шамба Тарас, Допуа Гиви
Армала йгIашIарышвта агъьмала: Германия рыхьызла МАААН архъйагIв комитет йалу Рухи Ертаз (Эшба), Трыквшта апны Апсны ркIьыкIва АгIвдза Владимир, МАААН апрезидент Шамба Тарас, Допуа Гиви
© Непрошин Александр йкнига «АуагIа р-Президент йзынархата…» йгIалхпI
МАААН V а-Конгресс агвыргъьахъв гIахътIра, Согъвым, асквш 2006 декабрь а 14
МАААН V а-Конгресс агвыргъьахъв гIахътIра, Согъвым, асквш 2006 декабрь а 14
© Непрошин Александр йкнига «АуагIа р-Президент йзынархата…» йгIалхпI
МАААН V а-Конгресс апны, Согъвым, асквш 2006 декабарь а 14-17
МАААН V а-Конгресс апны, Согъвым, асквш 2006 декабарь а 14-17
© Непрошин Александр йкнига «АуагIа р-Президент йзынархата…» йгIалхпI

Араса акIвпI ауи шцаз: асквш 1992 октябрь мыз агIан Лыхнышта апны йапхъахауата йакIвшатI Апсуа-абаза уагIахъа рдуней конгресс. Ауи аконгресс апны Шамба Тарас президентта далырхтI.

Ауищтара ауи «апсуаква зымгIва рпрезидент» – хIва йыпхьитI, йшпакIву ухIварыквын аконгресс йаднакIылтI абаза уагIа шабгу.

«ЙхIылшатI Лыхнышта апны къральыгIва 20 ргIащтийыгIвчва азхIкIкIыта йапхъахауа Адуней Конгресс акIвхIыршарныс. Мурадта ауи азаман йхIымаз гвынгIвыран – йхьанту ауи айсра апны айгIайра гIатыгIгарныс, йгьи йгIатыгIгатI. Ауи амщтахь йгIвбахауа аконгресс йгIахIырхвитхыз Апсны акъала хъада апны йакIвхIыршатI», – йхIватI Тарас Мирон йпа агентства «Sputnik Апсны» ринтервью апны.

Шамба Тарас апсуа-абаза уагIахъа рацзакIыра йхътIыта йадгылыз дрыуазаджвыпI. Йынхара апны ауи апсуаква раргванчIвра дацхърагIун – адунейла йъабзазауа йзапшкъральызлакIгьи. Шамба джьгарта йацикIуан апсуакви абазакви рыхъазла йазакIу алфавит агIаныршара.

«Арат асквшква рурала хIара йджьахIщауата йыгIбун ауагIахъа радкIылра знархараз ауи йынхара, йгьи йгIайыдахIвуан. ГвыхътIыла хIизыразпI уыста йырхъйаз зымгIва рыхъазла. ДзачIв абазазлакIгьи йыхъазла Тарас Мирон йпа турых зхъырхIвгIауа дгIвычIвгIвыспI, ауагIа шабгу бзи дырбитI», – абараса йхIвитI апрофессор Агырба Юрий ашвъаква йгIархъыху афильм «Шамба Тарас. АуагIа рпрезидент» апны.

Шамба Тарас йызнымкIва драпхъагылыгIвын апсуа-абаза диаспора ъату йапшым акъральква рпны йцуз апсуа щтийыгIвчва гвыпква. Ауи дъагIаншалакIгьи апсуаква йрымахмыз азазаъащаква гIащаквзыргылхуа гIвычIвгIвыста акIвын йшипылуаз – пхата, чIахI ду йзырчпауата.

Шамба Тарас абаза баракъ йнапIыцIата
Шамба Тарас абаза баракъ йнапIыцIата
© Непрошин Александр йкнига «АуагIа р-Президент йзынархата…» йгIалхпI
Ажурнал «Нарт» аредактор Агача Мухиддини Шамба Тараси Къарча-Черкес адгьылгIвына апны
Ажурнал «Нарт» аредактор Агача Мухиддини Шамба Тараси Къарча-Черкес адгьылгIвына апны
© Непрошин Александр йкнига «АуагIа р-Президент йзынархата…» йгIалхпI
Шамба Тараси Къарча-Черкес Республика апарламент аунашвачпагIв Смородин Сергейи ранйара, Черкесск, асквш 2006
Шамба Тараси Къарча-Черкес Республика апарламент аунашвачпагIв Смородин Сергейи ранйара, Черкесск, асквш 2006
© Непрошин Александр йкнига «АуагIа р-Президент йзынархата…» йгIалхпI
Адуней Черкес ассоциация архъйагIв комитет алачIвара амщтахь. Асурат апны: армала йгIвыджьхауа Шамба Тарас, йащтагIайуата Адуней Черкес ассоциация апрезидент Нахвышв Заурби, Сирия апарламент адепутат, Дамаск апны «Адыгьа хIаса» аунашвачпагIв Абаза (Марщан) Шараф, агъьмала ахъадза – Аламиа Геннадий, Нальчик, асквш 2006
Адуней Черкес ассоциация архъйагIв комитет алачIвара амщтахь. Асурат апны: армала йгIвыджьхауа Шамба Тарас, йащтагIайуата Адуней Черкес ассоциация апрезидент Нахвышв Заурби, Сирия апарламент адепутат, Дамаск апны «Адыгьа хIаса» аунашвачпагIв Абаза (Марщан) Шараф, агъьмала ахъадза – Аламиа Геннадий, Нальчик, асквш 2006
© Непрошин Александр йкнига «АуагIа р-Президент йзынархата…» йгIалхпI
Агырба Юрий Исуф йпи Шамба Тарас Мирон йпи
Агырба Юрий Исуф йпи Шамба Тарас Мирон йпи
© «Абазашта» газет аредакция
Асурат апны армала угIалагата: Тльабыча Родион, Къвырча Владимир, Йуан Амир, Йуан ЧагIбан, Шамба Тарас, Чква Нурби, Агырба Юра, Уырчыкъва Мурадин
Асурат апны армала угIалагата: Тльабыча Родион, Къвырча Владимир, Йуан Амир, Йуан ЧагIбан, Шамба Тарас, Чква Нурби, Агырба Юра, Уырчыкъва Мурадин
© «Абазашта» газет аредакция

Арат анйараква рпны щардала йыцыз Россия апны хвитнагIа зму Апсны акIьыкIва Ахба Игорь йгIаликIгIитI: «АгIвымакъральква рпны апсуаква агалагьи йщардагIвыпI, зымгIва йрапхъата Трыквшта, МарагIайырта Аргваны анахьанат акъральква рпны. Сара сылаквала йызбун йгIаншуз: Тарас Мирон йпа зджьара дангIаншара ауагIа йырзымшрата йгIайпылуан, напIасра дула, азхъацIара йызрымата».

Асурат апны: армала йхыгIвхауа - Адуней Черкес ассоциация апрезидент Акъбаш Борис, аквта - Германия рыхьыз МАААН архъйагIв комитет йалу Эртаз Руки (Эшба), агъьмала йхыгIвхауа - Шамба Тарас, Голландия, асквш 1997
Асурат апны: армала йхыгIвхауа - Адуней Черкес ассоциация апрезидент Акъбаш Борис, аквта - Германия рыхьыз МАААН архъйагIв комитет йалу Эртаз Руки (Эшба), агъьмала йхыгIвхауа - Шамба Тарас, Голландия, асквш 1997
© Непрошин Александр йкнига «АуагIа р-Президент йзынархата…» йгIалхпI
Астомбыль Апсуа культура квта апны йакIвшаз апсуа диаспора гIащтийыгIвчва рынйара. Асурат апны армала йгIашIарышвта агъьмала: МАААН архъйагIв комитет йалу Агрба Ерол, МАААН архъйагIв комитет йалу, Сирия апарламент адепутат, Дамаск апны «Адыгьа хIаса» аунашвачпагIв Шараф Абаза (Марщан), МАААН апрезидент Шамба Тарас, Трыквшта апны Апсны ркIьыкIва АгIвдза Владимир, Иордания йауу абашталагIв Чичба ЙахIйа, Джамалеттин Юмит (Ардзынба), Трыквшта, асквш 2006
Астомбыль Апсуа культура квта апны йакIвшаз апсуа диаспора гIащтийыгIвчва рынйара. Асурат апны армала йгIашIарышвта агъьмала: МАААН архъйагIв комитет йалу Агрба Ерол, МАААН архъйагIв комитет йалу, Сирия апарламент адепутат, Дамаск апны «Адыгьа хIаса» аунашвачпагIв Шараф Абаза (Марщан), МАААН апрезидент Шамба Тарас, Трыквшта апны Апсны ркIьыкIва АгIвдза Владимир, Иордания йауу абашталагIв Чичба ЙахIйа, Джамалеттин Юмит (Ардзынба), Трыквшта, асквш 2006
© Непрошин Александр йкнига «АуагIа р-Президент йзынархата…» йгIалхпI
Армала йгIашIарышвта агъьмала: Абаза уагIахъа радкIылара «Адгылара» аунашвачпагIв ЕмгIвыкъва Уальи, МАААН апрезидент Шамба Тарас, Трыквшта апны КIавкIаз адиаспора рпрезидент Агача Мухиддин Адуней Черкес ассоциация архъйагIв комитет ралачIвара апны, Трыквшта, асквш 2005
Армала йгIашIарышвта агъьмала: Абаза уагIахъа радкIылара «Адгылара» аунашвачпагIв ЕмгIвыкъва Уальи, МАААН апрезидент Шамба Тарас, Трыквшта апны КIавкIаз адиаспора рпрезидент Агача Мухиддин Адуней Черкес ассоциация архъйагIв комитет ралачIвара апны, Трыквшта, асквш 2005
© Непрошин Александр йкнига «АуагIа р-Президент йзынархата…» йгIалхпI
МАААН апсуа щтийыгIвчва гвып йгьи Иордания йауу КIавкIаз жвлара ркIьыкIва ашейх Абдыл Бакы Джамо, асквш 1997
МАААН апсуа щтийыгIвчва гвып йгьи Иордания йауу КIавкIаз жвлара ркIьыкIва ашейх Абдыл Бакы Джамо, асквш 1997
© Непрошин Александр йкнига «АуагIа р-Президент йзынархата…» йгIалхпI

Абадырраква зымгIва рсабап Апсны ахъазла

Сквшы 27 рапхъала, асквш 1992 август а 14 атшын акырт айсыгIвчва Апсны йангIагвыквс, Шамба Тарас забашта йазцIабыргу агIвычIвгIвысква рапш йылшараква абгата йгIайырбатI. АъанатIанкъвгагIвчва дуква йрызцауата ауи йымаз ахъвдаквыщтраква рапш датша заджвгьи йгьйымамызтI.

«Апсны апны айсра ангIалага Тарас джьгарта дынхауа далагатI, Лагъь КIавкIаз дгIайуан, аъанатIанкъвгагIвчва дрангIалуан. Ауи йбзирала арат ареспубликаква рунашвачпагIвчва «рылаква хъыргIвунта» зтахъырала Апсны айсра йпшцIалуаз ачкIвынчва йгьырпырамсуазтI, агуманитар цхърагIара адыргалуа йалагатI, датша амальквалагьи Апсны цхърагIара адрайдзун. Араъа магIны змаз ахъатачIв азазаъащаква ракIвын, ауи КIавкIаз апны апхъала ажвлара наукаква р-Академия апны йыцапхьаз апартия апхъагылагIвчва щардагIвы йдыруан. Совет Союз аштаква гIацIанакIуата хъгалра змаз нбжьагIвчва йщардан», – йгIаликIгIитI Шамба Сергей.

Айсра амщтахьгьи Москва апны Апсны йырпщылаз уыс щарда ауи далата йдырхъйун. Шамба Тарас йуысхарта Садовая Ду, 10, апны йаъан – «Булгаков йтдзы» ззырхIвауа апны. Ауи а-Республика рхъахвитра йанадымгылсызгьи Россия апны Апсны йырчIвыз хъатачIв кIьыкIварта квпшыра амата йщаквгылан. Ауаъа апсуа уагIахъа рылахь ахъазла згвы цхIуз зымгIвагьи айззалун, йырхъйачIву ауысква йрылачважвун, йахъвдаквырщтуан.

КПСС а-ЦК йаланакIуа ажвлара наукаква р-Академия аунашвачпагIвчва: аректор, СССР анаукаква р-Академия ачлен-корреспондент Яновский Рудольф, апартия комитет асекретарь Шамба Тарас, апрофсоюз комитет аунашвачпагIв Плакся В.И., апартия комитет асекретарь йтарагылыгIв Битаров Р.М.
КПСС а-ЦК йаланакIуа ажвлара наукаква р-Академия аунашвачпагIвчва: аректор, СССР анаукаква р-Академия ачлен-корреспондент Яновский Рудольф, апартия комитет асекретарь Шамба Тарас, апрофсоюз комитет аунашвачпагIв Плакся В.И., апартия комитет асекретарь йтарагылыгIв Битаров Р.М.
© Непрошин Александр йкнига «АуагIа р-Президент йзынархата…» йгIалхпI
КПСС а-ЦК йаланакIуа ажвлара наукаква р-Академия апны Горбачёва Раиса лсасра, армала йгIвыджьхауа – Шамба Тарас, агъьмала йгIвыджьхауа – Яновский Рудольф, асквш 1989
КПСС а-ЦК йаланакIуа ажвлара наукаква р-Академия апны Горбачёва Раиса лсасра, армала йгIвыджьхауа – Шамба Тарас, агъьмала йгIвыджьхауа – Яновский Рудольф, асквш 1989
© Непрошин Александр йкнига «АуагIа р-Президент йзынархата…» йгIалхпI
Караганда къала апартия уысхагIвчва рынйара, апрезидиум апны агъьмала йгIвыджьхауа - Шамба Тарас, Къазахстан, асквш 1978
Караганда къала апартия уысхагIвчва рынйара, апрезидиум апны агъьмала йгIвыджьхауа - Шамба Тарас, Къазахстан, асквш 1978
© Непрошин Александр йкнига «АуагIа р-Президент йзынархата…» йгIалхпI
Америка ЙадкIылу а-Штатква рпны аурышв йгьи апсуа абашталагIвчва рынйара, асквш 1978
Америка ЙадкIылу а-Штатква рпны аурышв йгьи апсуа абашталагIвчва рынйара, асквш 1978
© Непрошин Александр йкнига «АуагIа р-Президент йзынархата…» йгIалхпI
Апсны агIащтийыгIв Шамба Тарас Америка ЙадкIылу а-Штатква рпны йсасра
Апсны агIащтийыгIв Шамба Тарас Америка ЙадкIылу а-Штатква рпны йсасра
© Непрошин Александр йкнига «АуагIа р-Президент йзынархата…» йгIалхпI
КПСС а-ЦК анхагIвчва гвып, ажвлара наукаква р-Академия йгIалгакваз, агъьмала дхыгIвхауата дгылапI Шамба Тарас, асквш 1987
КПСС а-ЦК анхагIвчва гвып, ажвлара наукаква р-Академия йгIалгакваз, агъьмала дхыгIвхауата дгылапI Шамба Тарас, асквш 1987
© Непрошин Александр йкнига «АуагIа р-Президент йзынархата…» йгIалхпI
Ротари-Клуб апны Россия йауу ажвлараква руысхагIвчва рынйара, Америка ЙадкIылу а-Штатква, асквш 1978
Ротари-Клуб апны Россия йауу ажвлараква руысхагIвчва рынйара, Америка ЙадкIылу а-Штатква, асквш 1978
© Непрошин Александр йкнига «АуагIа р-Президент йзынархата…» йгIалхпI

Шамба Тарас агIвыма къральква рпны Апсны хIаракIыта дазгылан. Ауи апшта, асквш 2013 июнь агIан ауи Брюссель апны Европарламент йдрайгваз апсуакви абазакви рщтийыгIвчва гвып ду драпхъагылыгIвын. Ауаъа шIырпшыра змамыз конференция адыргалтI ари атемала: «Апсны йгьи Европа: абагвынгIври азаргванхари рымгIваква».

ЙцIыхъвахауа асквшква рпны Апсны атурых шщаквгылыз даквгIашIасуата Шамба араса йхIватI: «КIавкIаз ауагIахъакIгьи акыртква йгьрыцрымкIтI. КIавкIаз ауагIахъаква зымгIва Апсны ахъата ркIытI, ауи акIвымкIвагьи Апсны ахъатала акыртква абджьар рымата йайсуан, ауахьауат акыртква йырпшIагылата фыррагьи гIатыргатI Апсны акыртква».

ЙгIалкIгIара атахъыпI, Шамба Тарас амамырра йазгылу дшгIвычIвгIвысу. Ауи ауралагьи йхIвалитI абызшваква зымгIва хвы ъарзырбуз уагIахъа щарда зквбзазуз ашта апны дшгIадзынгылыз. Апсны ауагIа р-Абашта айсра гIаламгаскIва Шамба Тарас Грузия йгьи Апсны азазаъаща мамыр гIарбжьазцIушыз ангIалра швъа апроект йрыхIазырын йдйырбатI, ауаса Грузия аунашвачпагIвчва ауысква мамырта йалдыргарныс гьыртахъымызтI.

Гвыдауыта аурамква рпны СССР ЙхIаракIу а-Совет адепутатра акандидат Шамба Тарас йыцкIрала алхыгIвчва раквгIазшIытра
Гвыдауыта аурамква рпны СССР ЙхIаракIу а-Совет адепутатра акандидат Шамба Тарас йыцкIрала алхыгIвчва раквгIазшIытра
© Непрошин Александр йкнига «АуагIа р-Президент йзынархата…» йгIалхпI
Арайон акультура тдзы апны Шамба Тарас СССР ЙхIаракIу а-Совет дадепутатта йкандидатура аргылра знархараз ажвлара райззара
Арайон акультура тдзы апны Шамба Тарас СССР ЙхIаракIу а-Совет дадепутатта йкандидатура аргылра знархараз ажвлара райззара
© Непрошин Александр йкнига «АуагIа р-Президент йзынархата…» йгIалхпI
КПСС а-ЦК йаланакIуа ажвлара наукаква р-Академия аректор Яновский Рудольф йгьи Академия апартия комитет асекретарь Шамба Тарас Москва асаби йыбаква ртдзы анхагIвчва йрыцта, Москва, асквш 1987
КПСС а-ЦК йаланакIуа ажвлара наукаква р-Академия аректор Яновский Рудольф йгьи Академия апартия комитет асекретарь Шамба Тарас Москва асаби йыбаква ртдзы анхагIвчва йрыцта, Москва, асквш 1987
© Непрошин Александр йкнига «АуагIа р-Президент йзынархата…» йгIалхпI
Рухи Эртаз (Эшба), ЙадкIылу АуагIахъаква рорганизация агенерал секретарь Майкл ван Вальд, Шамба Тарас, Голландия
Рухи Эртаз (Эшба), ЙадкIылу АуагIахъаква рорганизация агенерал секретарь Майкл ван Вальд, Шамба Тарас, Голландия
© Бебиа Екатерина лкнига «Апхьахьа йдуней» йгIалхпI
Гварамиа Алекои Шамба Тараси, асквш 2009
Гварамиа Алекои Шамба Тараси, асквш 2009
© Бебиа Екатерина лкнига «Апхьахьа йдуней» йгIалхпI
Шамба Тарас Бедий храм дадзхъагылапI. Апсны, асквш 2010
Шамба Тарас Бедий храм дадзхъагылапI. Апсны, асквш 2010
© Бебиа Екатерина лкнига «Апхьахьа йдуней» йгIалхпI

Агвып зрыпшдзауа агIвычIвгIвыс

УахьчIва Тарас Мирон йпа сквшы 81 йхъыцIитI. Йбзазара ауыс хъадаква нижьхызтIхIва, аунашвахъцIара уысква рыцIа йшIакву йритхызтIхIва ужвы йъагIадзазгьи джьгарта ажвлара бзазара агвы далагылапI. ЙцIыхъвахауа азаман апны йхъатала йгIадзынйыргылыз чкIвынргIа йызлайыцыркIыз агIаджвыквцIараква йрыуапI май а 9 атшын Москва апсуа диаспора акция «Аджьаль змам аполк» йалалырныс.

Апхъала апшта Шамба Тарас агвып йрыпшдзитI, зныбыжьла йапшым уагIа щардагIв дгIакIвдыршитI. ДзачIв гIвычIвгIвысзлакIгьи йгвы рхвгIитI ауи йгIвынгIалри йгвхътIыри. Раба йыладухитI йыпхIчва Назирагьи Гаянагьи, рабаду йыладухитI ауат ргIариква Анасатасиягьи Денисгьи. Тарас Мирон йпа згIариква бзи йызбауа дабапI, зхъапщыла йлайгвыгIвуа дхъацIапI. ЙыпхIчва йшырхIвахуала, рани раби йанакIвызлакIгьи пхара рызбжьата йазаъан.

«ЦIыпх мартI а 8 атшын хIпны сангIайх гIвхIврапшдза шIахIвакI збатI, – йгIалгвалашвахитI йпхIа Назира. – ХIаба сицIгIитI: йазнагвалайа гIвба? Йаргьи йджьауапхатI: азакIы хIъачвуа апещ йгылазтI, арахьари – амацIауырта апны, йшпакIву хIхIварыквын ауи дпхIвыспI, сахIат щарда амацIауырта дыгIвната йылгитI».

Тарас Мирон йпа йылачважвауа дзачIвызлакIгьи йгIалыркIгIитI «йуасаражвра», «йцкьара», «йлашарара». Йара йшихIвахуала, йынцIра шабгу зынгьи заджвгьи гвымхарала йцIыхъва дгьтамгылтI, байара дута йпхьадзитI нбжьагIвчва ъайщарду.

Хвду ззыгIбауа Тарас Мирон йпа! ЙузыхIтахъпI азгIвадара, агвыргъьара, абзираква, агIаншара джьащахъваквала йырчву нцIра пшдза ауыра!

АгIалцIыртаква:

· Ателебара фильм «Шамба Тарас. АуагIа рпрезидент»

· Ателебара фильм «АйачIваква йрызцауа амгIва лашара. Шамба Тарас»