Амтшаша ноябрь а 11 агIан Санкт-Петербург апны Адуней апсуа-абаза конгресс йаднагалыз апсыуакви абазакви ранйара йапхъахауата йакIвшатI.

Санкт-Петербург йтабзазауа апсыуакви абазакви ноябрь а 11 ахъвлапын йабадырта апхъахьыла йшащтаныкъвуш лырхырныс йайззатI. Ауи араса йауацIыхта йакIвшауа йапхъахауа анйаран. Ауаъа уагIата 120-гIвы райхIа гIадгылтI.

Ауи ауысла йауацIыхта >>

АААК ЙхIаракIу асовет аунашвачпагIв йцхърагIагIв Тания Кан анйара мурадта йамаз гIайхIватI: Санкт-Петербург йтабзазауа апсыуакви абазакви абардырра. Тания йгIаликIгIатI ауи «ахачIвы шхъйаз», ауаъа йгIадгылкваз йрыуата гвыпквакI апхъахьыла аргваныта йащтаныкъварныс штшадыркIылыз.

Айззара йахъвыкIта йалтI Санкт-Петербург йту апсыуакви абазакви ркъарула йадыргалыз, адыгьа гIахIвчва ргвып «Нартгьи» злаз аконцерт.