Лента событий ВААК
АААКи «Алашара» жвлара адкIылари Россия антропологкви аэтнологкви XV р-Конгресс агIахътIра йалан.
Адуней апсуа-абаза конгресси «Алашара» Дуней адкIылари рынхагIвчва Россия антропологкви аэтнологкви XV р-Конгресс агIахътIра йалан. Ари айззара адгалра йацхърагIауата ашвъа йанкву дрыуазаджвыпI АААК ЙхIаракIу асовет аунашвачпагIв Эгьзакь Мусса. Апхьахьаква рлалра Россия анаукаква р-Академии Санкт-Петербург къральыгIва университети сквш 300 ъархъыцIуа йазынадырхатI.
А-Конгресс агIахътIрагьи апленар алачIварагьи Таврида Тдзы апны йакIвшатI. Ауи йаланакIуаш ауатыкв айчважвара йгьи асекция щарда йрылазлуштI Россия ашIыпIаква шабгу йрыуу рхъвыхыгIвчва зкьыгIвпхьадзара, агIвыма къральква, Апсынгьи рылата, йгIартыцIта йгIайыз апхьахьа 100-гIвы райхIа.
Июнь а 29 а-Конгресс йахъвыкIта «Абаза уагIахъа: ацIасква хчарали тшауацIдрыхрали ашвапха» уатыкв айчважвара акIвшуштI.
