Лента событий ВААК
АААК диспансеризация акIвнаршауаркIвитI.
Асквш ШIыц йапщылаз йауырахаз атшпсщара мшква рымщтахь Адуней апсуа-абаза конгресс апроектква джвыквнацIахтI. Ауи апшта, АААК агвыпи Апсны згIвадарахчарала а-Министерстви акытква рапхьагIвчва рзгIвадара рхъвыхрала йацдырхъйауа апроект ауырщтхтI.
Асквш 2025 агIан йапхъахауата йъацаз акыт АдзыгIвбжьа акIвпI.
Асабиква йырпшныс АдзыгIвбжьа аквтанай апхьарта йгIайтI акардиологква Бондарева Ирини Лакербайа Оксани амедахща КIьылдза Мадина дрыцта, аоториноларинголог МикIанба Лана, аневролог Конджариа Саида, аневролог, УЗИ-ла архъвыхыгIв Ходжава Альбина, аофтальмолог Сангулиа Фатима, апедиатр Хьыбба Азамат, ареабилитолог Агрба Арзадин, ауролог Зарандиа Юрий, аэндокринологква АмкIваб Ренати Джьыкьырба Хамиди. АпхьагIвчва рща агIарбараква хIазырта йрымата айъазагIвчва йрызцатI.
Архъвыхра апхьагIвти арыпхьагIвти 100-гIвы райхIа гIакIылстI. ЙшцIасхаз апшта, айъазагIвчва йырцхърагIун АГУ астудентква.
