Лента событий ВААК
Санкт-Петербург апны Малькевич Александр йхъихыз Апсны йгIаквчважвауа абзазара йгIахъыху асериал гIадырбатI
Санкт-Петербург йаланакIуа Адмиралтейск район аунашвахъцIарта апны абзазара йгIахъыху асериал «Апсны: ахъаз йагвлачву рацкIыс йцрийу» апрезентация акIвшатI. Апроект гIазхъвыцыз Россия йауу ажурналист, Санкт-Петербург Ахабзалыхырта Айззара адепутат Малькевич Александр йакIвпI.
Адуней апсуа-абаза конгресс (АААК) ахьызла айззара апны дгIачважватI а-Конгресс аппарат аунашвахъцIагIв Чвыджьба Абзагв. Ауи Малькевич Александргьи апроект йалаз агвып шабгугьи йырхаз ауыси акультура йгьи агуманитар абадырраква ррыбагъьара апны магIын ду зму ржвлара гIаджвыквцIари рыхъазла дшырзыразу йхIватI. Йара ауи апшта Чвыджьба Абзагв АААК ЙхIаракIу асовет аунашвачпагIв, «Алашара» Дуней адкIылара апрезидент Эгьзакь Мусса ХIабальа йпа йразыра йгьи йацкIра ажваква автор йзынайырхатI.
Апроект ахвшIчIваракI Апсны йапшым ахъатаква гIахъыртIитI:
* КIавкIаз аналькъвытнальмас азцара;
* АныхIвартаква рпны амдара;
* СогIвым: асквшышвква йгIарылсыз акъала;
* Ахъахвитра ахъазла айсра: йырзыщахъмырчIвалыз ауагIахъа;
* Аджьаль змам архъв. ШIчIвара кIьыда рзалхпI Абашта айсра Ду йалаз Апсны афырква.
Афильм йанапшы амщтахь Чвыджьба Абзагв Малькевич Александри ауи йыцынхаквази Эгьзакь Мусса йыхьызла ахъмаштылга согIаква риттI.
