Аменю
21 Апрель 2024
17:34
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

    9 Февраль 2024
09.02.2024 16:49
Санкт-Петербург, Россия Федерация

«Блокада» ахьызта литература-уысара ргылчIв гIадырбатI «Нарва гвашв йадзхъу атеатр» апны.

«Блокада» ахьызта литература-уысара ргылчIв гIадырбатI «Нарва гвашв йадзхъу атеатр» апны. Ауи адгалра йалан Адуней апсуа-абаза конгрессгьи. Аспектакль андыргылуаз йгIадрысабаптI йкIвыршаз Ленинград ахчагIвчва йгIарыквчважвауа ашвъаква: айсчва ркIарткви ргIагвалашвахраква йгIарылху ашIчIваракви аэкран апны йгIадырбун, Ленинград агIархвитхра йалаз апсыуакви абазакви рыхьызква гIархIвун.
АпшыгIвчва йрылан акъала ахчагIвчва ртынхаква. АргылчIв Ленинград анкIвыршаз ауагIахъаква шацзакIыз гIанарбатI. Йара аспектакль аблокада пхьыржвищтара сквшы 80 ъацIуа йазынарху афедерал проект апкъ йтата йдрыхIазыртI. 
АуагIа Ленинград аргванква йакIвшуз айбащраква йрыладзыз апсуа айсчва шырхъмаштылуа йаквшахIатхауата Пискарев чвахъабага нышвынтара апны асквш 2004 агIан Апсны йауата йкIвыршаз Ленинград зхчуз айсчва рыхъазла син дыргылтI.
Апсны йауаз Ленинград ахчагIвчва 600-гIв райхIа йнадзун, ауат йрылан алетчикква, атанкистква, атопрхысчва, ащъагIвква, атенгьыз айсчва, датшагьи.

0