А-Конгресс агвып Уатхара кыт афельдшер-акушер пункт хъвшвы партиякI азыргатI. Ари АААК рахIа йатахъдзу медицина лшара рымазлара ахъаз йызцхърагIаз йхвбахауа кытпI.

19.03.2026 15:46

СогIвым, Апсны Республика

АААК ацхърагIарала Гала апны апсуа бызшва йъадрыпхьуш класс шIыц гIахъыртIытI

АААК агвып Гала 1-хауа аквтанай апхьарта йазалху цхърагIара адрайдзауата апсуа бызшва йъадрыпхьуш акласс дырчIаджьтI. Апещ апны нхарата йатахъыз зымгIва рчпатI, псауатла, класс гъвы, телевизор йгьи йатахъу ъамапсыма азырхвгIатI.

Апещ агIаршIыцра ауыс апхьарта апны апсуа бызшвала апхьараква анакIвдыршуз йгIащтIырхтI. Ауи амщтахь Гала апны йаъу АААК ашIыпIа хъвшара аунашвахъцIагIв апхьарта пещ адгалрала йгIарцхърагIарныс а-Конгресс тшазынайырхатI.

19.03.2026 15:19

СогIвым, Апсны Республика

АААК Джьырхва кыт йазалху цхърагIара анарайдзатI

А-Конгресс агвып Джьырхва кыт афельдшер-акушер пункт хъвшвы партиякI азыргатI. Ари сынчIва АААК хъвшвыла йаднагалыз йпщбахауа кытхитI.

18.03.2026 17:01

СогIвым, Апсны Республика

АААК ПакIващ кыт айъазарта йазалху цхърагIара анарайдзатI

А-Конгресс агвып ПакIващ кыт афельдшер-акушер пункт хъвшви медицина ргIапсги азыргатI.

13.03.2026 16:22

СогIвым, Апсны Республика

Ажвлара палата йаднагалыз акъральгIв айззара акIвшатI СогIвым апны

АААК агвып Апсны Ажвлара палата йаднагалыз «Айчважвара. АбагвынгIвра. ТшауацIыхра» къральгIв айззара йаъан.

Айззара анхара йалан апрезидент Гвынба Бадра, апремьер-министр Делба Владимир, авице-премьер Нанба Джьансыхв, аправительства йалакву, а-Парламент адепутатква, Апсны апны Россия рхIвачIвгIвы Шургалин Михаил, акъала йгьи арайон айззараква рдепутатква, адиннкъвгагIвчва йгьи ажвлара адкIылараква ргIащтийыгIвчва.

Айззара апхъала Ажвлара палата VI азддара нхара архъйатI. Ауи анхара апкъ йтата аполитика партиякви ажвлара адкIыларакви руысхагIвчва, акъральыгIва ъанатIанкъвгагIвчва, анаука йгьи аэксперт жвлараква йрынйатI. Ауи акIвымкIвагьи адемография политика, акыт шIыпIаква ртшауацIыхра йгьи аполитика ргIапсра апсахра йырзынархаз хуатыкв айчважваракI аднагалтI.

Айззара йалакваз йгIащтIырхыз ауысква цIолата йрыквчважван йыззгIайыз гIалыркIгIатI. Алалра ацIыхъва Ажвлара палата асекретарь КIьычба Гули афорум апны йчпачIвыта йырпхьадзаз ачIвырхъаква шдырхъйушла ащаквыргылра дгIапхьатI.