Лента событий ВААК
АААК Уатхара кыт йазалху цхърагIара анарайдзатI
А-Конгресс агвып Уатхара кыт афельдшер-акушер пункт хъвшвы партиякI азыргатI. Ари АААК рахIа йатахъдзу медицина лшара рымазлара ахъаз йызцхърагIаз йхвбахауа кытпI.
АААК ацхърагIарала Гала апны апсуа бызшва йъадрыпхьуш класс шIыц гIахъыртIытI
АААК агвып Гала 1-хауа аквтанай апхьарта йазалху цхърагIара адрайдзауата апсуа бызшва йъадрыпхьуш акласс дырчIаджьтI. Апещ апны нхарата йатахъыз зымгIва рчпатI, псауатла, класс гъвы, телевизор йгьи йатахъу ъамапсыма азырхвгIатI.
Апещ агIаршIыцра ауыс апхьарта апны апсуа бызшвала апхьараква анакIвдыршуз йгIащтIырхтI. Ауи амщтахь Гала апны йаъу АААК ашIыпIа хъвшара аунашвахъцIагIв апхьарта пещ адгалрала йгIарцхърагIарныс а-Конгресс тшазынайырхатI.
АААК Джьырхва кыт йазалху цхърагIара анарайдзатI
А-Конгресс агвып Джьырхва кыт афельдшер-акушер пункт хъвшвы партиякI азыргатI. Ари сынчIва АААК хъвшвыла йаднагалыз йпщбахауа кытхитI.
«Алашара» Дуней адкIылара 13 сквша ахъыцIтI
«Алашара» Дуней адкIылара @alashara_org 13 сквша ъахъыцIуа хIайхIвахIвитI!
13 сквша цIуата Черкесск апны йакIвшаз ажвлара адкIылара апрезентация Къарча-Черкес апны абаза-апсуа уагIа руагIахъара агIащаквыжьра йазцауа амгIва ду йаджвыквцIарахатI.
Эгьзакь Мусса запхъа дгылу, Анчва йхъвы злу, зуыс йазцIабыргу «Алашара» агвып рамайчра ахъазла АлахI дырзыразхатI!
Швара швбзирала абызшва, ацIасква гIахчахитI, аспорти чкIвыныргIа ргIаджвыквцIаракви тшауацIырхитI, атгIачва злащаквгылу ащата багъьахитI. Швара ауатква зымгIва швгвква цкьата швырзынхитI.
Адуней апсуа-абаза конгресс анхагIвчва гвып рыхьызла хIгвы йгIатыцIуата хIнашвайхIвахIвитI!
Абаракьат, агвышхвара, айгIайра шIыцква швзыхIтахъпI!
