Лента событий ВААК
АААК Оҭҳара ақыҭа хықәкылатәи ацхыраара анаҭеит.
Аконгресс агәыҧ Оҭҳара ақыҭа афельдшер-акушертә пункт азы иаархәеит ахәшәқәа. Ҳазҭоу ашықәс иалагӡаны, АААК хадара злоу амедицинатә ресурсқәа рзаархәеит хә-қыҭак рзы.
АААК ацхыраарала Гал иаадыртит аҧсуа бызшәа ауада ҿыц
АААК агәыҧ Галтәи абжьаратә школ №1 хықәкылатәи ацхыраара арҭеит, аҧсуа бызшәа ауада еиҭашьақәдыргылеит. Ауадаҿы иақәнагаз арҽеиратә усқәа мҩаҧыргеит, иаархәеит аҩнымаҭәа, аклассӷәы, ателербага, иахәҭоу амаҭәахәқәа.
Ауада арҿыцра азҵаара цәырҵит ашкол аҿы аҧсуа бызшәа акурсқәа анымҩаҧыргоз аамҭазы. Усҟан АААК Гал иҟоу аҭыҧантәи аҟәша анапхгаҩы Аконгресс ахь аҳәара ҟаиҵеит аҽазыҟаҵарақәа хьымҩаҧыргаша аҭыҧ аиҿкаараҿы ацхыраара ҟарҵарц.
АААК Џьырхәа ақыҭа хықәкылатәи ацхыраара анаҭеит.
Аконгресс агәыҧ Џьырхәа ақыҭа афельдшер-акушертә пункт азы иаархәеит ахәшәқәа. Ҳазҭоу ашықәс иалагӡаны, АААК ас еиҧш иҟоу акциа мҩаҧнагахьеит ҧшь-қыҭак рҿы.
Жәларбжьаратәи аилазаара «Алашара» 13 шықәса ахыҵра азгәанаҭоит
Жәларбжьаратәи аилазаара «Алашара» 13 шықәса ахыҵра рыдаҳныҳәалоит!
13 шықәса раҧхьа Черкесск имҩаҧысит аиҿкаара аӡыргара. Ари ахҭыс уасхырс иазышьҭалеит Ҟарачы-Черқьесиа инхо аҧсуа-абаза жәлар рмилаҭтә хаҿра аиқәырхаразы мҽхакыҭбаала аусура. Мусса Егзакь дызхагылоу, абаҩхатәра ду злоу, ааҧсарада аус зуа аилазаара «Алашара» агәыҧ иҭабуп ҳәа раҳҳәоит рџьабаазы!
Шәара шәыбзоурала еиқәхоит абызшәақәа, аҵасқәа, аҿиара иаҿуп аспорт, аҿар раҧшьгамҭақәа. Уи зегьы мҩаҧысуеит ҟазарала, инашәыгӡо аус бзиа ибаны.
Адунеизегьтәи аҧсуа-абаза конгресс аколлектив ахьӡала гәык-ҧсыкала ишәыдаҳныҳәалоит!
Ишәзеиӷьаҳшьоит аманшәалара, аусуразы агәацҧыҳәара, аихьӡара ҿыцқәа!
