Адунеизегьтәи
аԥсуа-абаза
конгресс

Аконгресс афестиваль ахь инанагеит аԥсуа милаҭтә хәмаррақәеи  АААК апроект «Амазара» аҳәаақәа ирҭагӡаны иҭыху афильмқәеи («Аԥсуа ашәа», «Ажәытә аԥсуа кәалӡы»).

АААК Аҳәса ркоординациатә центр анапхгаҩы Екатреина Бебиа иҭылхыз адокументалтә фильм лызкуп агазеҭ "Абазашҭа" аредактор хада, ҞЧА зҽаԥсазтәыз ажурналист, Аԥсны ажурналистцәа реидгыла алахәыла, "Ахьӡ-Аԥша" аорден III аҩаӡара занашьоу Фардаус Ҟәыл.

Ҟарачы-Черқьестәыла ихыркәшахеит акультура-спорттә фестиваль «Абаза». Иара иаҵанакит Урыстәыла зхыԥхьаӡара маҷу ашьагәыҭ милаҭқәа Рфорум, Абаза жәлар ркультура Амш, Аԥсны аҳәынҭқарратә бираҟ Амш. Афестиваль еиҿнакааит абаза-аԥсуа етнос аҿиара ацхрааразы Жәларбжьаратәи аидгыла «Алашара».

Итрадициатәу Абаза жәлар рыхәмаррақәа мҩаԥысит ԥхынгәы 22 азы Ҟарачы-Черқьессктәи ареспублика, Абаза араион иаҵанакуа аул Псыж аҟны.

Есышықәсатәи акультуратә-спорттә фестиваль «Абаза» мҩаԥысраны иҟоуп ԥхынгәы 22 – 23 рзы. Ари ахҭыс есышықәса еиҿнакаауеит аԥсуа-абаза жәлар рыҿиара иацхраауа жәларбжьаратәи ассоциациа «Алашара».

Адунеизегьтәи аԥсуа-абаза конгресси Аҿар рыԥсшьарҭатә центр «Фрунзенский» аусеицуразы аиқәшаҳаҭра рыдыркылеит.