Ажәабжьқәа
Адунеизегьтәи аԥсуа-абаза конгресс ахьӡала аҳамҭа ҷыда ықәгылан аетнопарк «Аԥсны» имҩаԥысыз есышықәсатәи ахыцуаа ртурнир аҿы.
АААК аҟны иаԥҵоу Аҳәса ркоординациатә хеилак ахантәаҩы Аԥсны ахақәиҭразы иҭахаз аҵеицәа ранацәа рԥылара еиҿылкааит.
Аконгресс акоманда АААК Арегионалтә ҟәша ахада Владимир Ԥшьеноҟәа напхгара ззиуа Ҟабарда-Балкариатәи аделегациа ирԥылеит.
Аԥсны еиуеиԥшым акәакьқәа рҟынтә агәыԥқәа ԥшьба еиндаҭлон аԥсуа милаҭ хәмаррақәп рзы актәи атурнир «Ахьышьҭра» аиааирагаҩцәа рыхьӡ арҳаразы.
Адунеизегьтәи аԥсуа-абаза конгресс изаамҭанытәиу аилатәараҿы ирылацәажәеит иахьатәи адунеи аҿы аԥсуааи абазақәеи рмилаҭ хдырра аҽеиҭакра амзызқәеи ахҟьа-ԥҟьақәеи.
Аԥсны афырхаҵа Рауф Џьыкырба 30 шықәса раԥхьа ахаҳә аҿы иҭиҟаз ахаҿсахьа рыԥшааит Аԥсны аҿар рассоциациа «Аԥеиԥши», В. Г. Арӡынба ихьӡ зху Аибашьратә фырхаҵара амузеи, Адунеизегьтәи аԥсуа-абаза конгресси, Аԥсны Аҳәынҭқарра Ашәарҭадаратә маҵзура Ахырхарҭа ҷыда ацентр аспециалистцәеи русеицура иалҵшәаны Гәыма ақыҭан.
Адунеизегьтәи аԥсуа-абаза конгресс иатәу Аҳәса рхеилак апроект ҿыц «Аизыразра амҩа» аӡбахә еиҭарҳәеит Аҟәа, АААК апресс-центр аҟны.
Абгархықә ақыҭа ашколхәыҷқәа рԥыларала АААК ихацнаркит раԥхьатәи амедицинатә цхыраара аҭаразы атренингқәа рцикл, ари аусмҩаԥгатә анагӡара ахахьы иагеит Аконгресс аҟәша ҿыц – аҵареи, асоциалтә активреи, агәабзиарахьчареи ирызку, уи анапхгаҩыс дҟалеит Изольда Ҳагԥҳа.
АААК Адискуссиатә клуб аусура аҳәаақәа ирҭагӡаны Аԥсны Аҭҵаарадыррақәа ракадемиа алархәны астол гьежь мҩаԥагеит абри атема ала: «Академик Сергеи Бебиа ифундаменталтәу иҭҵаамҭа «Аԥсны абнақәеи» ҳтәылаҿы изызҳауа иуникалтәу аҵиаақәеи аекологиеи шәарҭарақәас рҿаԥхьа иқәгылоу».
Аҵарауаҩ Виачеслав Чрыгба ишәҟәы «Аԥсны аҭыԥхьыӡқәеи егьырҭ атәылахьыӡқәеи ржәар» аӡыргара мҩаԥысит Адунеизегьтәи аԥсуа-абаза конгресс апресс-центр аҟны.