Ҳара иҳазкны
Изныҧшуеи ажәлар рдоуҳа? Ажәлар рдоуҳа аныҧшуеит рбызшәала, рҵас, ркультурала. Иара убасгьы абиҧарала еимырдо, ауаа ргәалаҟазаара ашьҭыхреи ирыхәаша аҟаҵареи рзы алшара аҧызҵо анапҟазарақәа рыла. "Згәы еисуа аҟазара" – Адунеизегьтәи аҧсуа-абаза конгресс апроект ҿыц ауп. Адырраҭарақәа рцикл иаҳзеиҭарҳәоит ҳаҵасқәа ҿымцәаартә, ҳаамҭазтәи акультура иахәҭакны еиқәзырхо анапҟазацәа рыӡбахә. Адырраҭарақәа рыбзоурала анапҟазара аҭоурыхи атехнологиеи рзы шәдыррақәа еизҳауеит, иҟалап аҟазараҿы шәхы ҧышәшәарц азы агәазыҳәара шәоургьы.
2024 шықәсазы АААК имҩаҧнаго апроект ҿыцқәа ируакуп ақыҭа школқәа рҵаҩцәа асоциалтә проектҟаҵара ашьаҭақәа дырҵара.
Аҧсуа литература ашьаҭаркҩы, Аҧсны жәлар рпоет, аҵарауаҩ Дырмит Гәлиа 150 шықәса ихыҵра инамаданы, АААК Д. И. Гәлиа имчыбжь рыланаҳәоит. Есыҽны ишәыдаҳгалалоит ашәҟәыҩҩы иҧсҭазаареи ирҿиареи ирыдҳәалоу акьыҧхьымҭақәа. Ҳсоциалтә ҳақәа шәрыцклаҧшла — аинтерес аҵазаауеит!
АААК иацнаҵоит Аԥсны ақыҭашколхәыҷқәа адиспансеризациа рахыжьра иазку апроект амҩаҧгара. 2024-тәи ашықәс азы раҧхьатәи аусуратә ҭыҵра еиҿкаан Гәдоуҭа араион, Оҭҳара ақыҭа.
Аҿар рыҿиареи абаҩрҵәыреи рзы АААК аҟәша иацнаҵоит Аҧсны ақыҭақәеи ақалақьқәеи рҿы аҧсуа милаҭтә хәмаррақәа ирызку амастер-классқәа рымҩаҧгара.
Адунеизегьтәи аҧсуа-абаза конгресс аҿы аус зуа Аҳәса рхеилак имҩаҧыргеит 2024 шықәсазы раҧхьатәи аилатәара. Аиҧылара мҩаҧысит Аконгресс аҟәатәи аофис аҿы.
Апроект ҿыц хацыркуп АААК аҭыҧантәи ахаҭарнакрақәа аус рыцура иазку аҟәша амчқәа рыла, Аҧсны Аҳәынҭқарра Атәылахьчара аминистрреи «Аҧснытәи ахысрҭатә клуби» рыцхыраарала.
Адунеизегьтәи аҧсуа-абаза конгресс Иреиҳаӡоу ахеилак Ахантәаҩы Мусса Егзагь иааихәеит раҧхьатәи аҧсуа сахьаҭыхҩы, адунеи аҿы еицырдыруа аҟаза Алықьсандр Чачба-Шервашиӡе иусумҭақәа 10.
Адунеизегьтәи аҧсуа-абаза конгресс 2023 шықәсазы имҩаҧнагаз аусура алҵшәақәа еихшьаалоуп, адҵа ҿыцқәа ықәыргылоуп.
Адунеизегьтәи аҧсуа-абаза конгресс Иреиҳаӡоу ахеилак Ахантәаҩы Мусса Егзакь онлаин-режим ахархәарала АААК ИА алахәҩцәа дырҧылеит. Аилатәараҿы ииасуа ашықәс аихшьаалақәа ҟаҵаны, ҳазҭало 2024-тәи ашықәс азы инагӡатәу аҳасабтәқәа алыркааит.