Лента событий ВААК
АААК Аацы кыт апны апхьагIвчва диспансеризация йгIакIылнащттI.
Адуней апсуа-абаза конгресс апроект шIыц дырхъйауата йгIвбахауа кытта йъацаз Гвдауыта район йаланакIуа Аацы акIвпI. Адиспансеризация гIвбата йшIчIвата йадыргалтI: йапхъахуз амш апхьагIвчва рща дырхъвыхырныс йарттI, йгIвымшкIхуз анализ агIарбараква рымата айъазагIвчва гIарддырпшытI. АпхьагIвчва йгIарпшытI аневролог Конджариа Саида, УЗИ диагностика зчпауа Ходжава Альбина амедицина ахщчваква Баркалая Илони Какубава Эмми лыцта, апедиатрква Уатырба Ангелини Рогова Натальи, аэндокринолог Гуниа Радмила, аотоларинголог Базба Амина, аофтальмолог Джоджуа Анжела, арентгенолог Берзениа Аслан йгьи ауролог Смыр Давид. АцIайква УЗИ ргапсгала йырпшытI, электрокардиограмма, флюорограмма рхъырхтI. Аацы йакIвшуз амедицина рхъвыхра Мцара кыт аквтанай апхьарта ажвагIвапхьагIвчвагьи гIаланадыркIтI. ЗымгIва шалу апхьагIвчва 80-гIв йырпшытI.
