Лента событий ВААК
«Ирӡтәым» проект йаланакIуа айчважвара апсуа тацанадылраква рпны ацаскви ашIыцракви йырзынархан
АААКи Джугелиа Инни йацыта йдырхъйауа апроект апкъ йтата йакIвшаз йызкьазууыз айчважвара апсуа тацанадылраква ракIвыршащи ауи йапщылу ацIаскви йырзынархан. Аэтнолог, аистория наукаква ркандидат Сангулиа Элисо ЛакIоба В. йыхьыз зхъу Пицунда 1-хауа апхьарта акласс ахIбаква рапхьагIвчва апсуаква пхIвыс дшгIаргуа, дшнардылуа, атацанадылра апхъалагьи амщтахьлагьи йдырхъйауа ацIасква ралхIвтI, ауат апхъали ужви йшакIвшауа ашIлырпшытI. Апроект адгалалагIвчва апхъа йдыргылуа амурад – хвы ззыбачIву ауысла чкIвыныргIа рхъвыцщаква рыбагъьара, апсуаква ркультура, ртурых, ргвбайара йазынарху адырраква йрылархIара акIвпI.
КвтIол кыт апны псабарахчарала тшыбжьара акIвшатI
Арыпхьарали жвлара джьгаррали згIвадарахчарали АААК ахъвшара АГУ апны экологии апсауышвхIаква рморфологии ркафедра аметодист Цыбулевская Майа далата акытква рапхьагIвчва рыхъазла экологияла атшыбжьараква аднагалыркIвитI. Йызкьазууыз аинтерактив лекция КвтIол кыт апны йакIвшатI.
