Аменю
28 Май 2024
02:12
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

    9 Апрель 2024
09.04.2024 18:00
СогIвым, Апсны Республика

Айсра-патриот бжьара: пычIв айсра дырраквала апроект акIвшитI.

АпычIв айсра дырраквала апроект апкъ йтата йгIвбахуз атшыбжьараква Цандрыпщ 2-хауа аквтанай апхьарта акласс ахIбаква рапхьагIвчва йырзадыргалтI.

АпхьагIвчва Ачадара кыт йаъу «Апсуа хысырта клуб» йыргатI. Ауаъа абжьагIвчва ачкIвынчва абджьар шукIуаш, ауи алшаракви анхащи рархIвтI, Калашников йавтомат шамцIухуаши йшамцIауцIахуаши ддырбатI.

ЙгIарархIвыз зымгIва апхьагIвчва дара-дара йырчпауамца йыргвныркIылтI. Ауат абджьар ркIуа, тамамта йкIылпшуа, йхыста акьашана йаквшвауа тшырбжьатI.

АпычIв айсра дырраквала апроект чкIвыныргIа рпсадгьыл бзи йырбауа, ауи ахчара йазыхIазырта йгIадзныргылра, айсра ъачIвагIаквала рдырраква йрылархIара йазынархапI.

0
09.04.2024 15:54
Гвдауыта, Апсны Республика

Хуап кыт апны псабарахчарала тшыбжьара акIвшатI

 Арыпхьарали жвлара джьгаррали згIвадарахчарали АААК ахъвшара АГУ апны экологии апсауышвхIаква рморфологии ркафедра аметодист Цыбулевская Майа далата акытква рапхьагIвчва рыхъазла экологияла атшыбжьараква аднагалыркIвитI. Йызкьазууыз аинтерактив лекция Хуап кыт апны йакIвшатI.

0
09.04.2024 15:22
Санкт-Петербург, Россия Федерация

Таниа Кан Италия йауу алхра уысквала аэкспертква рпресс-конференция далан

Апрель а 6 Ламеция-Терме къала апны мартI а 15-17 агIан Россия а-Президент йалхра шакIвшаз зылаквала йызбаз Италия йауу алхра уысквала аъачIвагIагIвчва пресс-конференция арттI.
ЙгIайззаз ажурналисткви асасчви лшара рыман зхъатала Запорожье, ДНР, ЛНР, Москва рпны йаныргIалыз алхырта тыпква рпны йаъаз Италия йауу ажвибжьыгIв экспертчва райшата йрачважварныс.
Апсны АгIвымакъраль уысквала а-Министерства (МИД) йалкIгIу ахъвдаквцIараква зырхъйауа, Адуней апсуа-абаза конгресс аунашвачпагIв й-Аппарат унашва ахъызцIауа Таниа Кангьи ауи апресс-конференция видеоабабара амальла далан. Ауи йайззакваз сальам риттI, йгIауадзауа ахабарква ухъатала йуырхъвыхырныс магIын ду шамугьи йхIватI, йауа ухIварыквын, ажвлара хабарргагаква ацIабырг амц апстхIва йцIанадыркIлитI. 
Анйара амщтахь ауи йалакваз йдрыбагъьатI Италия йауу аэкспертква Россия йыззцаз шцIабыргу – Россия а-Президент йалхра адуней стандартква зымгIвалагьи йрыквыргIапста, йхътIыта, чва зхъаубуш мыгIвхъгаракIгьи рыламкIва йакIвшатI; аэкспертква ауыс мцы аламкIва, йшаъадзаз апшта йырбатI.
Апресс-конференция адыргалтI Россия йаъаз аэкспертква йрылаз – Апсны а-МИД йалкIгIу ахъвдаквцIараквала ахIвачIвгIвы Гриттани Вито йгьи Паскуале Салатино.

0