Лента событий ВААК
АААК апхьагIвчва айсра йазубжьауата пычIв дырра рытрала апроект акIвнаршауаркIвитI
АшIыпIа хъвшараква рыцынхарала АААК ахъвшара пычIв айсра тшазыбжьарала апроект ужвыгьи гвыпкI гIалананаркIтI. Ари азын акьазу Хвап кыт апхьагIвчва йрыквшватI.
Амш шабгаз ауысквала йырчвын, ауат гIвхъвыкIта йшан. Апхъапхъа апхьагIвчва СогIвым архъвкI йцатI. Ауаъа ауат йапшым ахысга абджьаркви атехники рыргIапсща ддырбатI.
ЙащтагIайуата ауат ахысырта клуб йыргатI. АбжьагIвчва ауат ашварагIварадара атехника йрызгIапхьатI, абджьар ушаланхуш гIаргвындыргIвытI. АчкIвынчва тшыззырбжьаз апхьарта шта апны йдрыбагъьахтI, ауаъа зымгIвагьи абжьагIвчва гIархъпшылуамцара йхыстI.
АААК «Аимадара» проект акIвнаршауаркIвитI
АшIыпIа хъвшараква рыцынхарала Адуней апсуа-абаза конгресс ахъвшара «Аимадара» проект архъйауаркIвитI.
Апсны амарагIайырта хъатала йызкьазууыз амдара мшы йалан Чирикбайа Д.В. йыхьыз зхъу Алахьадзы 1-хауа аквтанай апхьарта апхьагIвчва. Ауат Ткъварчал район йаланакIуа Акъармара кыт апны гIвдзкIатштшартакI йырпшытI, Дранда апны йгылу Анчва Йан лкьльисагьи йцатI.
ЙшцIасхаз апшта амш ацIыхъва асабиква йапшым ахъагIараква ддрыфтI, рлахIвараквагьи ддырхIватI.
«Аимадара» проект чкIвыныргIа акультура йгьи атурых джьащахъвараква дырдырра йазынархапI. АдгалагIвчва йыргвыгъапI апхъахьылагьи ареспублика акытква йырту асабиква шIыцра щарда рдзырдыруа амдараква рзакIвдыршаларныс.
