Лента событий ВААК
Лыхны кыт апны ъачIвагIагIалхрала атшыбжьара акIвшатI.
АААК ъачIвагIагIалхрала йызкьазууыз атшыбжьараква Гвдауыта район йаланакIуа Лыхны кыт апны йакIвнаршатI. СогIвым къральыгIва колледж арыпхьагIв Барцыц Алиси Адуней апсуа-абаза конгресс ауысхагIвчви аъачIвагIаква гIалхрала йгьи ауат ргIарысабапрала дара рхъатачIв швапха апхьагIвчва йрыцагIвыршатI. Ауи акIвымкIвагьи атренинг апны апхьагIвчва абзазара апны йгIаутахъхуш аъачIвагIаква тшъарзубжьуш колледжта Апсны йаъугьи рархIвтI.
«Айсра асальамшвъаква»: АйгIайра асквш 30 йадахIвуата АААК проект шIыц арыхIазыритI.
Асквшква 1992-1993 рагIан йакIвшаз Апсны ауагIа р-Абашта айсра апны АйгIайра асквш 30 тшазаднагалуата Адуней апсуа-абаза конгресс «Айсра асальамшвъаква» ахьызта проект шIыц аунащтырныс йарыхIазыритI.
Хвду ззыгIбауа хIапхьагIвчва, айсра агIан йыргIвыз сальамшвъа кIара швзыгIанхазтын, ауат шврыквчважвара швтахъызтын асоциал сетьква рпны а-Конгресс абгъьыцква рыуа закIы а-Директ йа апроект йахъпшылуа Квициниа Есма лэлектрон почтала ekvitsinia@mail.ru йхIзыгIашвщти.