Лента событий ВААК
«Афырква рымгIващквала»: АААК ахъмаштылра амдара йалан.
Адуней апсуа-абаза конгресс анхагIвчва Меркула кыт апны февраль а 25 атшын Ардзынба Владислав йыхьыз зхъу Айсра ртшхъвара амузей йаднагалыз ахъмаштылра амдара йалан.
Аэкспедиция Апсны ауагIа р-Абашта айсра агIан АмарагIайырта фронт апны апсуа ры злаз атшыхчара йгьи агвыквсра алакшараква акIвшищтара сквш 30 ъахъыцIуа йазынархан. Ахъмаштылра уысква ахъахвитра ахъаз зхъа щтIазцIаз Меркула айсчва рчвахъабага син хIврапшдза азыщтIацIарала йджвыквырцIатI, ауи амщтахь айсра аветеранква Меркула аквтанай апхьарта апхьагIвчви АГУ атурыхдырра хъвшара астуденткви йрынйатI. Айбащраква ъакIвшуз ашIыпIаква рпны аветеранква ргIагвалашвахраква чкIвыныргIа йрархIвуан.
МшкIыла йакIвшаз амдара ацIыхъва апхьагIвчви астуденткви айсра агIан хIайсчва йырзырмацIауаз афачIвквагьи йырпшытI.