Лента событий ВААК
Футболла Очамчыра апхьарта лига йапхъахуз агIамта алнаргатI
СквшбжакI ауацIа Очамчыра район йауу жвипщкомандакI АдзыгIвбжьа, Тамыщ, КвтIол, Марквыла, Гвып кытква йгьи Очамчыра къала ртопасыртаква рпны ахъвмарраква акIвдыршун. Йшалу йгIауахвырквын анкъвакъвраква 9-10 сквшы йырту цIайчвата 130-гIв рылан. https://abaza.org/abq/1091
Абоксер Агрба Харитон WBA (Адуней Боксер АдкIылара) апны йагъьта йырпхьадзауа а 10-гIвы дрылашватI.
Адуней Боксер АдкIылара арейтингла Агрба Харитон йагъьу абоксерква рпны жвагIвхауата дгIайитI. ХIабашталагIв хIйайхIвахIвитI, спорт апны апхъахьылагьи айгIайракви адахIвракви йзыхIтахъпI.
«Апсны» этнопарк апны Дуней наука конференция гIахъыртIытI.
«Амшын КвайчIва атшпи КIавкIази рышта апхъала йзынйузи уахьчIва йзынйауи абаргвыраква» Дуней наука конференция анхара джвыквнацIатI «Апсны» этнопарк апны. Ауи асквшква 1992-1993 рагIан йакIвшаз Апсны ауагIа р-Абашта айсра апны йгIатыргаз АйгIайра асквш 30-и ареспублика ахъхвитра йацыркIищтара 15 сквша ъацIызи йырзынархапI.
Аконференция йапхъахуз амш асквшква 1992-1993 рагIан йакIвшаз Апсны ауагIа р-Абашта айсра апны йгIатыргаз АйгIайра апны агIвыма къральква йырту апсуаква ралацIара йазынархаз «Аԥсуаа зегьы ҳхада Владислав Арӡынба – иахьатәи ҳҳәынҭқарра абираҟ» («Апсуаква зымгIва хIхъада Ардзынба Владислав – уахьчIва хIкъральыгIва абаракъ») зхьзыз ауатыкв айчважвара акIвшатI. Аконференция йалапI Апсны, Россия рнаука жвлараква, Трыквшта йту апсуа-адыгьа диаспора ргIащтийыгIвчва.
Аконференция октябрь а 4-дза йнайуаштI.
