Лента событий ВААК
Ашьапылампыл азы Очамчыратәи ашколтә лига актәи асезон хыркәшоуп
Ашықәсбжа аҩныҵҟа Очамчыра араион акомандақәа жәиԥшь ақыҭақәа Аӡҩыбжьа, Тамшь, Кәтол, Маркәыла, Гәыԥ, ақалақь Очамчыра рҿы ахәмаррақәа мҩаԥыргон. Зынӡа атурнир иалахәын 9-10 шықәса зхыҵуаз ашколхәыҷқәа 130-ҩык. https://abaza.org/abk/1091
Абоксиор Харитон Агрба WBA (World Boxing Association) иреиӷьу жәаҩык дырхыԥхьаӡалахеит.
Харитон Агрба Адунеизегьтәи абоксиорцәа рассоциациа еиқәнаршәаз ареитинг аҟны иреиӷьу аспортсменцәа жәаҩык рсиа далашәеит. Ажәабатәи аҭыԥ аҟны дгылоуп. ҳџьынџьуаҩ иқәҿиара идаҳныҳәалоит, еиҳау аихьӡарақәеи аиааирақәеи изеиӷьаҳшьоит!
Жәларбжьаратәи аҭҵаарадырратә конференциа аатит аетнопарк "Аԥсны".
Жәларбжьаратәи аҭҵаарадырратә конференциа "Амшынеиқәа-Кавказтәи арегион аҭоурыхи иахьатәи аамҭеи апроблемақәа" аатит аетнопарк "Аԥсны" иахьаҵанакуа. Иара азкуп Аԥсны Жәлар рџьынџьтәылатә еибашьраҿы Аиааиреи Ахьыԥшымреи рымш 30 шықәса ахыҵреи, Аԥсны ахьыԥшымра жәларбжьаратәи азхаҵара аиуижьҭеи 15 шықәса аҵреи. Аконференциа актәи амш азы имҩаԥысит астол гьежь "Аԥсуаа зегьы ҳхада Владислав Арӡынба – иахьатәи ҳҳәынҭқарра абираҟ" ҳәа хьӡыс измаз - аҳәаанырцәтәи ҳдиаспора аиааира аагараҿы рлагала иазкны. Аконференциа иалахәуп аԥсуа, аурыс ҵарауаа, Ҭырқәтәыла инхо аԥсуа-адыга жәлар рхаҭарнакцәа.
Жәларбжьаратәи аҭҵаарадырратә конференциа жьҭаара 4-нӡа имҩаԥысуеит.
