Лента событий ВААК
"Ауаажәларратә проектқәа рлабораториа" абаза жәлар ирызку афильм ҭнахит.
Ихәаахәҭратәым аилазаара "Ауаажәларратә проектқәа рлабораториа" аԥсуа-абаза жәлар ирызку адокументалтә фильм ҭнахит. Акиносахьа иуанаҳәоит ҳажәлар рыԥсҭазаашьа, ркультура, рҵас-қьабзқәа зеиԥшроу, рҭоурых шбеиоу, рмилаҭтә хаҿра шеибарку уҳәа. Афильм иалагылоуп еиуеиԥшым афырхацәа, урҭ рхыԥхьаӡараҿы: АААК Иреиҳаӡоу ахеилак ахантәаҩы Мусса Егзакьи АААК Аҟәатәи аофис анапхгаҩы Ҭемыр Рекәааи.
Очамчыра араион ашколхәыҷқәа Шәача имҩаԥысуаз Урыстәылатәи апремиер-лига рматч иахәаԥшит.
Очамчыра араион ашколқәа рыбжьара ашьапылампыл асразы ачемпионат хыркәшоуп. Уи алҵшәақәа рыла, аиааира агеит Очамчыратәи 2-тәи ашкол акоманда. Ачемпионат алахәцәа зегьы рзы ҳамаҭас иҟалеит Шәача аҭаара, Урыстәылатәи апремиер-лига рматч ахәаԥшра: еиндаҭлон "Зенити" "Шәачеи". Ахәмарра мҩаԥысит Аолимпиатә парк аҟны, астадион Фишт адәаҿы. Аԥснытәи аспортсменцәа уа итәаз зегьы ирылукаауан рышәҵатәала. Акьаҿқәа ӡахны ирызнархиеит имаԥысыз ачемпионат аспонсорцәа иреиуаз Адунеизегьтәи аԥсуа-абаза конгресс. Ахәыҷқәа питертәи афан-зонахь инашьҭын, аиндаҭлара ахаҭагьы 2:0 ҳәа "Зенит" аиааирала инҵәеит, очамчыраа ргәы ззыбылуазгьы дара ракәын.
