Аменю
26 Май 2024
08:35
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

    13 Декабрь 2023
13.12.2023 23:47
Санкт-Петербург, Россия Федерация

«Абзазара тенгьызпI»: «Сара саамҭа» студия аргылчIв АААК ацхърагIарала Санкт-Петербург апны йгIадырбатI

Декабрь а 12 «Плоды просвещения» («Адырра йгIаунатуа») театр апны Санкт-Петербург ахъазла пычIвта «Абзазара тенгьызпI» спектакль гIадырбатI. АргылчIв йащатахатI агIвгIвы, ауысагIв, адрамагIвгIв Хармс Даниил асабиква йырзыйгIвыз йгIахIвахракви йуысакви. Ауи гIазырбаз Апсны йауу асаби театр студия «Сара саамҭа» («Сара сыгIамта» – аредакция ррытаразга) акIвпI. Апремьера Адуней апсуа-абаза конгресс ацхърагIарала йадыргалтI. Ауаъа апшыгIвчва хвыдъа йнаржьылуан, йызтахъыз дзачIвызлакIгьи дапшныс лшара йыман. 
«Сара саамҭа» ршIыйара тшауацIыхра квта агIахътIра асквш 2017 агIан йгIаларгатI. Астудия гIанзыршаз Пилиа Нара йшылхIвауала, хачIв хъадата йгылаз – ршIыйара йгьи логика хъвыща, агвынкIылща тшауацIдрыхра акIвызтынгьи, абадырра, асцена апны агIачважвара, ритмика-агьиква тшырдрыщцара акIвызтынгьи – асабиква ршIыйарала рылшараква ъарзыгIахътIуаш щатакI гIаныршара акIвын.
АршIыйара тшыбжьарта йгIалгаз Апсны йапшым арайонква йгIартыцIыз цIайпI. Тшанырбжьуз ауат йапшым аргылчIвква рпны йгIахъвмарлун, ауысара хъвлапынква, аспектакльква – гвчIагIвчпарата йгIадырбузгьи рылата – йрылазлун. Йкъвльайсызу атгIачваква йрыуу, зызгIвадара йгIалцIла зылшараква ахъарысу асабиква аквта хвыдъа йца йауан.

0