Ажурналист Екатерина Бебиа лавтортә программа «Аҧсуара амҩахәасҭақәа» астудиа иаҭааз апублицист, ашәҟәыҩҩы Шамил Ԥлиа аҧсуара иаҵанакуа, иаднакыло ахырхарҭақәа дырзааҭгылеит. Анҵамҭа ҟаҵан 2009 шықәсазы Аҧсуа ҳәынҭқарратә телехәаҧшра астудиаҿ.

«Аҧсуара амилаҭ иакадемиоуп. Сышәҟәқәа рҟынгьы уи ауп исҳәоу. Ԥсабаратәла ауаҩы ицәа ижьы иалоу ауп аҧсуара, абиҧарақәа еимырдоит цәала-жьыла. Аҧсуара - культура ҳаракыла ахымҩаҧгароуп. Аҧсуаа ҳзы Анцәа инаҩс ҳамчра ахьыҟоу ҳаҧсуара аҟны ауп, ҳахшыҩ аизыркәкәарҭагьы ҳҵасқәа рҟны ауп иахьыҟоу», - иҳәеит Шамил Ԥлиа.