Акыраамҭа ҳаззыԥшыз ааԥын ԥшӡа ааины иҟоуп Аԥсны. Аԥсабара шәҭуеит, зыԥсы ҭоу зегьы аԥхарра иеигәырӷьоит, ашьац ԥшқа ишәҭыкакаҷуа уарҳалс ишьҭоуп, уахьынаԥшлак – блахкыгароуп. Ари ашықәс аамҭа даҽакала аԥсҭазаара угәанарԥхоит, умч ҭанаҵоит, адгьыл иқәу зегьы Анцәа иҳаҭәаишьаз аԥшӡаразы ҳиашьапкыр ҳҭаххоит.

Адунеизегьтәи аԥсуа-абаза конгресс аинфопортал аԥхьаҩцәа аҳамҭа шәызҳархиеит – зхаҭабзиара ҳаракӡоу ааԥынтәи афотосахьақәа. Агәаҳәара змоу зегьы ишәгәаԥхаз акадр кьыԥхьны, ашәҟәаарт аҳасабала ҳамҭас шәҩызцәа ирышәҭар ҟалоит, мамзаргьы гәаларшәагас шәхазы иааншәышьыжьыр.