Аҟазара
Адунеизегьтәи аԥсуа-абаза конгресс Иреиҳаӡоу ахеилак ахантәаҩы Мусса Егзакь адоуҳатә ҭынха иазку апроект «Амазара» раԥхьатәи аетап аихшьаалақәа ҟаиҵеит.
Очамчыра араион аҟны имҩаԥысуа ашәахәаҩ қәыԥшцәа рконкурс «Орфеи» алахәцәа руаӡәык аҳамҭа ҷыда лоуит Адунеизегьтәи аԥсуа-абаза конгресс аҟынтәи.
Раԥхьаӡатәи аԥсуа профессионалтә сахьаҭыхҩы, аҭауад Александр Шервашиӡе-Чачба – Аԥсны аҳ Қьалышьбеи Чачба имоҭа диԥан. Шервашиӡе – аԥсуа жәла Чачба қырҭшәала аҳәашьа аформа ауп, қырҭтәылатәи аҩыратә традициаҿы ус ишьақәгылеит абжьаратәи ашәышықәсақәа рынҵәамҭа инаркны..
Аԥсны Жәлар рартистка Софа Агәмаа лиубилеи иазку афотоцәыргақәҵа "Время счастливых находок" аартра мҩаԥысит Асахьаҭыхыҩцәа реидгыла ацәыргақәҵатә зал хадаҟны, ԥхынҷкәын 20 рзы.
Аԥсны Жәлар рартистка Софа Агәмаа лыԥсҭазаараҿы илбахьоу рацәоуп: ахәаԥшцәа рыла иҭәыз атеатрқәа, еихсыӷьра зқәым анапеинҟьабжьқәа, атеатр гәакьа ааныжьра, лҵаҩцәа реихьӡара дуқәа.
Мухарбек Аков ихьӡ зху Ачерқьес драматә театр аспектакль аиааира агеит Урыстәылатәи Афедерациа Акультура аминистрра имҩаԥнаго аҿартә режиссура адгылара иазынархоу афедералтә еицлабраҿы.
Лиудмила Логәуа лыхьӡ лассы-лассы иавадыргылоз ажәан «раԥхьаҭәи»: раԥхьатәи апрофессионалтә оператә шәаҳәаҩы, мамзаргьы «раԥҳьатәи аԥсуа ҟармаҵыс», ажәлар рҿы ус акәын ишлышьҭаз… Лара лоуп раԥхьатәи аԥсуа опера аҟны ихадоу апартиа зҳәаз, Аҟәа амузыкатә хәылԥызқәа раԥхьаӡакәны реиҿкаара иалагаз.
Илегендартәу авокалтә-инструменталтә ансамбль «Абазинка» аԥҵаҩы Владимир Чкату 40 шықәса раахыс ижәлар рмузыкатә культура аҿиара дазааԥсоит. Иара иирамш – ԥхынҷкәын 6 аҽны АААК аинформацитә портал ишәгәаланаршәоит артист ирҿиаратә мҩа иазку реиҳа иналукааша ахҭысқәа.
Алиса Гыцԥҳа излалԥхьаӡо ала, амузыкахь илымоу агәыбылра раԥхьаӡа иргыланы изыбзоуроу лҭаацәа роуп: лҭаацәа зегьы –лани, лаби, лаҳәшьцәеи – амузыкатә баҩхатәра змоу уаауп. Ԥхынҷқәын 5 рзы ашәаҳәаҩ лымшира азгәалҭоит. Абри арыцхә инадҳәаланы АААК аинформациатә портал иазнархиеит артитска лыԥсҭазаареи лашәаҳәаратә кариереи ирызку аочерк.