Лента событий ВААК
Вернуться к ленте
01.12.2025 14:10
Аҟәа, Аԥсны Аҳәынҭқарра
Аҧсуаҵас ааӡара: апроект «Ирӡтәым» аҳәаақәа ирҭагӡаны АААК имҩаҧнагеит алекциа.
Апроект «Ирӡтәым» аҳәаақәа ирҭагӡаны Аҟәатәи абжьаратә школ № 1 аҟны имҩаҧысит изаамҭанытәиу алекциа. Апроект еиҿыркааит Адунеизегьтәи аҧсуа-абаза конгресси Аҧснытәи аҳәынҭқарратә университет аҧсуа бызшәа акафедра арҵаҩы Инна Џьугелиаҧҳаи.
Аусмҩаҧгатә темас иаман аҧсуа культураҿы ахәыҷқәа рааӡара ашьаҭақәа.
Аиҧылара мҩаҧызгоз инарҵауланы дазааҭгылеит Аҧсуара инақәыршәаны арҧысцәеи аҭыҧҳацәеи шырааӡоз.
Алекциа алахәҩцәа ргәаанагарақәа еибырҳәеит, инаҵшьны иазгәарҭеит шәышықәсала ажәлар иныҟәырго ахымҩаҧгашьатә ҧҟарақәа амилаҭтә хаҿреи акультуратә шьҭреи шеиқәдырхо.
Алекциа анҵәамҭазы аҿар рыҿиареи абаҩрҵәыреи рзы АААК аҟәша аспециалист Есма Кәыҵниаҧҳа ашкол анапхгара ирылҭеит ахәыҷқәа рзы арҿиагатә карточкақәа.
0
Ахҳәаа ыҟам