Лента событий ВААК
Вернуться к ленте
01.12.2025 14:32
Аҟәа, Аԥсны Аҳәынҭқарра
Апроект «Ирӡтәым» аҳәаақәа ирҭагӡаны АААК имҩаҧнагеит алекциа.
Адунеизегьтәи аҧсуа-абаза конгресс имҩаҧнаго апроект «Ирӡтәым» аҳәаақәа ирҭагӡаны иацнаҵоит арккаратә усура. Уажәазы аусмҩаҧгатә еиҿыркааит Аҟәатәи абжьаратә школ № 10 аҟны. Зыӡырҩцәас иалахәын аиҳабыратә классқәа рҵаҩцәа.
Алекциа темас иаман «Аҵасқәа раларҵәара, гәык-ҧсык ала аҟазаара: аҧсуа етика ашьаҭақәа». Ааҧхьара змоу ақәгылаҩ - асахьаҭыхҩы Нодар Ҵәыџьба ахәыҷқәа ирзеиҭеиҳәеит ажәлар рҟазшьа иахәҭаку аҧсуа етика ашьаҭақәеи ахымҩаҧгашьатә ҧҟарақәеи.
Аиҿцәажәара мҩаҧысит гәаартыла. Аҵаҩцәа азҵаарақәа рацәаны иҟарҵон, активла рхы аадырҧшуан.
0
Ахҳәаа ыҟам