Лента событий ВААК
АААК Ԥсҳәы ақыҭаҿы ауааԥсыра инарҭбааны амедицинатә гәаҭара иахрыжьит
Ԥсҳәы ақыҭа ауааԥсыра ргәабзиара гәарҭеит Адунеизегьтәи аԥсуа-абаза конгресси Агәабзиарахьчара аминистрреи адиспансеризациазы еицымҩаԥырго апроект аҳәаақәа ирҭагӡаны цәыббра 15-18 рыҩныҵҟа. Уажәазы аҳақьымцәа уахь рнеира уаанӡа еиԥшымкәа амҽхак ҭбаан. https://abaza.org/abk/1077
Аимҵақьачазы алхратә хәмарра мҩаԥысит Аҟәа.
Аԥсуа милаҭ хәмаррақәа рзы атурнир аҽалархәразы аԥышәаратә хәмаррақәа мҩаԥысит. Аҟәатәи ашколқәа ԥшьба рҵаҩцәа еиԥхныҩлон Аимҵақьачаҿы. Аиааира ргеит Ефрем Ешба ихьӡ зху Аҟәатәи 5-тәи абжьаратә школ. Ахраҿа ранаишьеит АААК аусзуҩ Абаҩрҵәыреи аҿар реизҳареи аҟәша анапхгаҩы Валери Берзениа.
Ахәмаррақәа реиҿкааҩцәас иҟоуп - Адунеизегьтәи аԥсуа-абаза конгресси Аҿари аспорти русқәа рзы Аҟәа ақалақь ахадара аҟәшеи. Амилаҭ хәмаррақәа рзы атурнир мҩаԥысуеит уажәтәи асабшазы аетнопарк "Аԥсны". Еиԥылоит х-командак: Гәдоуҭа араиони Очамчыра араиони рҟынтә, иара убас Аҟәатәи 5-тәи ашкол акомандагьы.
«Асаламшәҟәы»: Асаламшәҟәы Лиудмила Ҵереҭель лахь
Ари асаламшәҟә лызҩуп Лиудмила Ҵереҭель.