Лента событий ВААК
АААК Аҭаратәи абжьаратә школ ианаҭеит аспорт маҭәахәқәа
Адунеизегьтәи аҧсуа-абаза конгресси аҭыҧантәи ахаҭарнакрақәеи русеицура аҳәаақәа ирҭагӡаны, Аҭаратәи абжьаратә школ азы Аконгресс иҟанаҵеит хықәкылатәи ацхыраара. Ашколхәыҷқәа ирырҭеит абаҩрҵәыреи еиуеиҧшым аспорт хкқәеи рзы иаҭаху маҭәахәқәа.
Еиқәҳархап аҧсабара: АААК имҩаҧнагеит аекологиатә тренинг ТЕКСТ:
Аҵареи, асоциалтә активреи, агәабзиарахьчареи рзы АААК аҟәшеи, ААУ аекологиеи аҧстәқәа рморфологиеи ркафедра аметодист, арҵаҩы еиҳабы Маиа Цыбулевскаиеи иацырҵоит ашколхәыҷқәа рзы аекологиатә тренингқәа рымҩаҧгара. Изаамҭанытәиу аинтерактивтә лекциа мҩаҧысит Аӡҩбжьатәи ашкол аҿы. Маиа Цыбулевскаиа ахәыҷқәа ирзеиҭалҳәеит аекологиа закәу, аҧсабара шыхьчатәу, ауаҩы аҧсабара иаиҭо анырра зеиҧшроу, насгьы иаҳзеиҧшу аҩны - Адгьыл аиқәырхаразы иҟаҵатәу.
Ашколхәыҷқәа активла адискуссиа рхы аладырхәуан, насгьы ргәаанагара аадырҧшуан. Атренинг аҿы ирылацәажәон аҳауа аҟьашьра, ацәынхатә црыҵқәа аус рыдулара, аиаҵәара ахшьаара, апестицидқәеи ахимиатә рҵәыгақәеи рхархәара уҳәа Аҧсны ақыҭақәеи ақалақьқәеи рзы актуалра змоу егьырҭ аекологиатә проблемақәа. Аусмҩаҧгатә ахыркәшамҭазы ахәыҷқәа ирзыршеит аекологиатә хымҩаҧгашьазы аҵаҳәарақәа зну агәаларшәагақәа.
