Нестор Лакоба
12.11.2018 09:50 Ахаҭарақәа 43802
Сариа Лакоба: Нестори Аԥсныи зымԥсахыз
Сариа Лакоба – аԥҳәыс лиашареи лхьамҵреи, ачҳареи ахақәҵареи ирҿырԥшыгоу фырԥҳәызбоуп. Фазиль Искандер ишылзиҳәаз еиԥш, Аԥсны зыхьӡ нагоу аҳәса зегьы инарылукааша аӡә лоуп, аҵыхәтәанынӡа лхаҵа игәалашәара аҳаҭыр ахькалмыршәыз азы, уи амшала дгәаҟуа лыԥсы шылхыҵызгьы.
Нестори Аԥсныи
«Ашколаҿтәи иҩызцәа зегьы даара дырҭахын, рыԥсы иҿҳәаран. Ахәмарреи аччареи, ашәаҳәареи акәашареи ахьыҟаз – еснагь дыҟан иаргьы, зоура уамак идумыз аҷкәын еилҟьа, ихахәы жәпа алаҳәа амҵәыжәҩеиԥш еиқәаҵәаӡа, илақәагьы еиқәаҵәан, ицырцыруа, амца рхын» Михаил Бӷажәба ишәҟәы «Нестор Лакоба» адаҟьақәа рҟантә