Адунеизегьтәи
аԥсуа-абаза
конгресс

АААК аусзуҩцәа рхы аладырхәит Х Неватәи жәларбжьаратәи аекологиатә конгресс. Хаҭалагьы Аҭыԥантәи аҟәшақәа аус рыцуразы аҟәша аспециалист Хьерсон Симониеи АААК аинформациа аҟәша аспециалист Шьазина Бганԥҳаи. Аекологиатә конгресс мҩаԥысуан Санкт-Петербург лаҵарамза 25-31 рзы. Иааидкыланы уи рхы аладырхәит 15 инареиҳаны СНГ атәылақәа рхаҭарнакцәа. Аусмҩаԥгатә еиҿкаан Атәыла ахада игрантқәа рфонди Россотрудничество апрограмма "Абиԥара ҿыци" рыцхыраарала.

Адунеизегьтәи аԥсуа-абаза конгресс Ахәыҷқә рыхьчара жәларбжьаратәи амш азы аныҳәа еиҿнакааит. Иара мҩаԥысит Аҟәа, Адыгақәа рымҩан. Аныҳәа иаҭааит ашкол иҭамлац ахәыҷқәа реиԥш ашколхәыҷқәагьы. Арлахҿыхратә программа мҩаԥыргон ааԥхьара змаз аниматорцәа. Ашоу анынҵәа ахәыҷқәа зегьы аршәы рҿарҵеит.