Лента событий ВААК
«Аԥсуара амҩахәасҭақәа» рцикл: Аҭара, Лашькьандар, Кындаӷ имҩаҧгаз аизарақәа.
Ажурналист Екатерина Бебиа лавтортә программа «Аҧсуара амҩахәасҭақәа» рцикл аҟны иаҳбоит аҧсуара атема иазкны ақыҭақәа Аҭара, Лашькьандар, Кындыӷ имҩаҧгаз аизарақәа. Анҵамҭа ҟаҵан 2009 шықәсазы.
Аԥсуа-абаза жәлар еицырдыруа ахаҭарнакцәа ражәа хьыршәыгәқәа.
АААКи Беслан Лагәлааи иӡырыргеит афильм "Аимҵакьачара".
Аҧхьарбара мҩаҧысит АААК аофис аҟны ноиабр 23 рзы. Афильм ҭыхуп апроект "Амазара" аҳәаақәа ирҭагӡаны.
АААК Калдахәара ашкол-интернат аҟны адиспансеризациа мҩаԥнагеит.
Адунеизегьтәи аԥсуа-абаза конгресс Калдахәаратәи ашкол-интернат аҵаҩцәеи арҵаҩцәеи ргәабзиара гәанаҭеит. Зынӡа агәаҭара иахысит 150-ҩык ауааԥсыра. Аусмҩаԥгатә иалахәын: ахәыҷтәы ҳақьымцәа Ангелина Оҭырԥҳаи Наталиа Роговеи, аневролог Саида Кәанџьариа, ареабилитолог Арзадин Агрба, акардиолог Алиона Жваниа, амедеиҳәшьцәа Иналита Барзаниеи, Алина Тарԥҳаи, аендокринолог Лиа Папԥҳа, ауролог Давид Смыр, аблаҳақьым Мадина Жьиԥҳа, ахәдаҳақьым Лана Мқанԥҳа.
Адиспансеризациа амҩаԥгара рхы аладырхәит иара убас Аҟәатәи амедициантә коллеџь астудентцәа.
Ашколхәыҷқәа ргәабзиара зеиԥшла ибзиоуп ҳәа алкаа ҟарҵеит. Ачымазарақәа здырбалаз ҩаԥхьа аспециалистцәа изыдҵаалаша рыӡбахә рарҳәеит. Ақыҭашколқәа рҟны абас еиԥш адиспансеризациа амҩаԥгара хықәкыс иамоуп ақалақь иацәыхароу ауааԥсыра амедицинатә хылаԥшра рыгмыжьра, ргәабзиара ашәарҭара аҭамыргылара.
АААК аԥсуаа ретнографиазы алекциақәа рымҩаԥгара иацнаҵоит.
Адунеизегьтәи аԥсуа-абаза конгресс Аҭыԥантәи ахаҭарнакрақәа аус рыдулара аҟәша иацнаҵоит аԥсуа ҭоурыхи аетнографиеи ирызку алекциақәа рымҩаԥгара. Иаарту алекциақәа мҩаԥысуеит Аԥсны ашколқәа рҟны. Уажәтәи мҩаԥысит Гәдоуҭа араион Ҟәланырхәа ақыҭан. Иара даԥхьеит ААУ аҭоурыхи аетнографиеи ркафедра адоцент Сима Ҭарԥҳа. Алекциа темас иаман "Ааӡара атрадициақәа аԥсуааи ашәуааи рҿы".
Ҳазҭоу ашықәс нҵәаанӡа даҽа ҩ-лекциак мҩаԥысраны иҟоуп.
